Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Samuel 12:1-25

BALAYAN SANG KAUNDAN

  • Nagpaalam si Samuel (1-25)

    • ‘Indi magsunod sa wala pulos’ (21)

    • Si Jehova indi magbiya sa iya katawhan (22)

12  Sang ulihi, nagsiling si Samuel sa bug-os nga Israel: “Ginhimo ko ang* tanan nga ginpangabay ninyo sa akon, kag nagtangdo ako sing hari nga magagahom sa inyo.+  Yari na ang hari nga magapanguna* sa inyo!+ Tuhoy sa akon, tigulang na ako kag ubanon, kag kaupod ninyo ang akon mga anak,+ kag gintuytuyan ko kamo halin sang pamatan-on ako tubtob subong.+  Yari ako sa inyo atubangan. Kon may reklamo kamo batok sa akon, isugid ninyo ini sa atubangan ni Jehova kag sang iya hinaplas.+ May ginkuha bala ako nga baka ukon asno?+ May gindayaan bala ako ukon ginpigos? Nagbaton bala ako sing hamham agod pabulagbulagan ko ang iya ginhimo?+ Isugid ninyo kon nahimo ko ini, kay bayaran ko kamo.”+  Nagsiling sila: “Wala mo kami gindayaan ukon ginpigos, kag wala ka man sing bisan ano nga ginbaton halin kay bisan sin-o.”  Gani nagsiling sia sa ila: “Sini nga adlaw saksi si Jehova kag ang iya hinaplas nga wala kamo sing isumbong batok sa akon.”* Nagsiling sila: “Saksi sia.”  Gani nagsiling si Samuel sa katawhan: “Saksi si Jehova nga nagpili kay Moises kag kay Aaron kag nagpagua sa inyo mga katigulangan sa duta sang Egipto.+  Karon magtindog kamo, kag isumbong ko kamo sa atubangan ni Jehova bangod sang tanan nga matarong nga buhat nga ginhimo ni Jehova sa inyo kag sa inyo mga katigulangan.  “Sang mag-abot si Jacob sa Egipto+ kag nagpangayo sing bulig ang inyo mga katigulangan kay Jehova,+ ginpadala ni Jehova si Moises+ kag si Aaron agod paguaon sa Egipto ang inyo mga katigulangan kag paistaron sila sa sini nga lugar.+  Apang ginkalimtan nila si Jehova nga ila Dios, gani gintugyan* niya sila+ kay Sisera+ nga pangulo sang kasuldadusan ni Hazor kag sa mga Filistinhon+ kag sa hari sang Moab,+ kag nagpakig-away sila sa ila. 10  Nagpangayo sila sing bulig kay Jehova,+ kag nagsiling sila, ‘Nakasala kami,+ kay gintalikdan namon si Jehova kag nag-alagad kami sa mga Baal+ kag sa mga imahen ni Astoret.+ Luwasa kami sa amon mga kaaway, agod makaalagad kami sa imo.’ 11  Gani ginpadala ni Jehova si Jerubaal+ kag si Bedan kag si Jefte+ kag si Samuel+ kag ginluwas kamo sa inyo mga kaaway sa palibot, agod magpuyo kamo sing malinong.+ 12  Sang makita ninyo nga salakayon kamo ni Nahas+ nga hari sang mga Ammonhon, nagsiling kamo sa akon, ‘Indi mahimo! Luyag gid namon nga may hari kami!’+ bisan pa si Jehova nga inyo Dios ang inyo Hari.+ 13  Yari na ang hari nga inyo ginpili kag ginpangayo. Ginhatagan na kamo ni Jehova sing hari.+ 14  Maayo gid kon magkahadlok kamo kay Jehova+ kag mag-alagad sa iya+ kag magtuman sa iya,+ kag indi kamo magsupak sa sugo ni Jehova, kag kamo kag ang hari nga magagahom sa inyo magsunod kay Jehova nga inyo Dios. 15  Apang kon indi kamo magtuman kay Jehova kag magsupak kamo sa sugo ni Jehova, silutan kamo ni Jehova kag ang inyo mga amay.+ 16  Karon magtindog kamo, kag tan-awa ninyo ining makatilingala nga butang nga himuon ni Jehova sa inyo atubangan. 17  Indi bala nga tig-alani sing trigo karon? Magapanawag ako kay Jehova agod magpadaguob sia kag magpaulan; dayon mahibaluan ninyo kag mahangpan kon daw ano kalain ang ginhimo ninyo sa atubangan ni Jehova bangod nagpangayo kamo sing hari.”+ 18  Gani nagpanawag si Samuel kay Jehova, kag nagpadaguob kag nagpaulan si Jehova sina nga adlaw, amo nga hinadlukan gid ang tanan nga katawhan kay Jehova kag kay Samuel. 19  Nagsiling ang tanan nga katawhan kay Samuel: “Magpangamuyo ka kay Jehova nga imo Dios para sa imo mga alagad,+ kay indi namon luyag mapatay, bangod gindugangan pa namon sing kalainan ang tanan namon nga sala sang magpangayo kami sing hari.” 20  Gani nagsiling si Samuel sa katawhan: “Indi kamo magkahadlok. Bisan pa nahimo ninyo ining tanan nga kalainan, indi kamo magsipak sa pagsunod kay Jehova,+ kag alagda ninyo si Jehova sa bug-os ninyo nga tagipusuon.+ 21  Indi kamo magsipak kag magsunod sa wala sing pulos nga mga dios+ nga indi makabulig+ kag indi makaluwas sa inyo, bangod wala sing pulos ini nga mga dios. 22  Kay indi pagpabay-an ni Jehova ang iya katawhan+ tungod sa iya halangdon nga ngalan,+ bangod si Jehova mismo ang nagpili sa inyo nga mangin iya katawhan.+ 23  Kag indi ko gid mahimo nga magpakasala kay Jehova paagi sa pag-untat sa pagpangamuyo para sa inyo. Padayon nga itudlo ko sa inyo ang maayo kag husto nga dalanon. 24  Apang dapat ninyo kahadlukan si Jehova,+ kag mag-alagad kamo sa iya sing matutom* sa bug-os ninyo nga tagipusuon, kag dumduma ninyo ang makatilingala nga mga butang nga ginhimo niya sa inyo.+ 25  Apang kon padayon kamo nga maghimo sing malain, mapapas+ gid kamo kag ang inyo hari.”+

Footnote

Sa literal, “Ginpamatian ko ang inyo ginsiling tuhoy sa.”
Sa literal, “magalakat una.”
Sa literal, “sing nasapwan sa akon kamot.”
Sa literal, “ginbaligya.”
Ukon “sa iya sa kamatuoran.”