Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Cronica 22:1-19

BALAYAN SANG KAUNDAN

  • Pagpanghanda ni David para sa templo (1-5)

  • Instruksion ni David kay Solomon (6-16)

  • Mga pangulo ginmanduan nga buligan si Solomon (17-19)

22  Dayon nagsiling si David: “Amo ini ang mangin lugar sang balay ni Jehova nga matuod nga Dios, kag amo ini ang halaran sang dulot nga sinunog para sa Israel.”+  Dayon nagsugo si David nga tipunon ang dumuluong nga mga pumuluyo+ sa duta sang Israel, kag ginhimo niya sila nga mga manugbasbas sing mga bato agod gamiton sa pagpatindog sa balay sang matuod nga Dios.+  Naghanda man si David sing madamo nga salsalon agod himuon nga mga lansang para sa mga sira sang mga gawang kag para sa mga inug-ipit, kag sing madamo gid nga saway nga indi na makilo sa kabug-aton,+  kag sing indi maisip nga mga kahoy nga sedro,+ kay madamo gid nga kahoy nga sedro ang gindala sang mga Sidonhon+ kag mga taga-Tiro+ kay David.  Nagsiling si David: “Bata pa kag wala pa sing eksperiensia ang akon anak nga si Solomon,+ kag dapat mangin matahom gid ang patindugon nga balay para kay Jehova,+ agod ang katahom sini mahibaluan kag mangin bantog ini+ sa tanan nga kadutaan.+ Gani, magahanda ako para sa iya.” Amo sini kon ngaa madamo gid nga materyales ang ginhanda ni David antes sia mapatay.  Ginpatawag niya si Solomon nga iya anak kag ginsugo sia nga magpatindog sing balay para kay Jehova nga Dios sang Israel.  Nagsiling si David kay Solomon nga iya anak: “Handum gid sang akon tagipusuon nga magpatindog sing balay para sa kadungganan sang ngalan ni Jehova nga akon Dios.+  Apang nagsiling sa akon si Jehova, ‘Madamo gid nga dugo ang ginpaagay mo, kag madamo nga inaway ang imo naagihan. Indi ikaw ang magpatindog sing balay para sa kadungganan sang akon ngalan,+ kay kadamo gid nga dugo ang ginpaagay mo sa duta sa atubangan ko.  May mabun-ag sa imo nga isa ka anak nga lalaki.+ Mangin mahidaiton sia nga tawo,* kag hatagan ko sia sing kalinong sa tanan niya nga kaaway sa palibot,+ kay tawgon sia nga Solomon*+ kag ihatag ko ang paghidait kag kalinong sa Israel sa iya panahon.+ 10  Sia ang magapatindog sing balay para sa kadungganan sang akon ngalan.+ Mangin anak ko sia, kag mangin amay niya ako.+ Palig-unon ko ang trono sang iya ginharian sa Israel sing dayon.’+ 11  “Anak ko, kabay pa nga mangin kaupod mo si Jehova, kag kabay pa nga mangin madinalag-on ka sa pagpatindog sing balay ni Jehova nga imo Dios, suno sa ginsiling niya tuhoy sa imo.+ 12  Kabay pa nga hatagan ka ni Jehova sing kaalam kag paghangop,+ kon itugyan niya sa imo ang pagdumala sa Israel, agod matuman mo ang kasuguan ni Jehova nga imo Dios.+ 13  Mangin madinalag-on ka kon tumanon mo ang mga pagsulundan+ kag mga desisyon nga ginhatag ni Jehova sa Israel paagi kay Moises.+ Magpakaisog ka kag magpakabakod. Indi ka mahadlok.+ 14  Nagpakabudlay gid ako sa paghanda para sa balay ni Jehova sing 100,000 ka talanton* nga bulawan kag 1,000,000 ka talanton nga pilak, kag sing madamo gid nga saway kag salsalon+ nga indi na makilo sa kabug-aton. Naghanda man ako sing mga kahoy kag mga bato,+ apang dugangan mo ini. 15  Madamo ka sing mga manug-obra, mga manugbasbas sing mga bato, mga mason,+ mga panday, kag mga trabahador nga lantip sa tanan nga sahi sang obra.+ 16  Indi gid maisip ang bulawan, ang pilak, ang saway, kag ang salsalon.+ Sugdi na ang pag-obra, kag kabay pa nga mangin kaupod mo si Jehova.”+ 17  Dayon ginmanduan ni David ang tanan nga pangulo sang Israel nga buligan si Solomon nga iya anak. Nagsiling sia: 18  “Indi bala nga kaupod ninyo si Jehova nga inyo Dios, kag indi bala nga ginhatagan niya kamo sing kalinong sa inyo mga kaaway sa palibot? Kay gintugyan niya sa akon kamot ang mga pumuluyo sini nga duta, kag nasakop na ini nga duta sa atubangan ni Jehova kag sang iya katawhan. 19  Pangitaa ninyo si Jehova nga inyo Dios sa bug-os ninyo nga tagipusuon kag kalag,*+ kag sugdi na ninyo ang pagpatindog sang santuaryo ni Jehova, ang matuod nga Dios,+ agod madala ninyo ang kaban sang katipan ni Jehova kag ang balaan nga mga kagamitan sang matuod nga Dios+ sa balay nga patindugon para sa kadungganan sang ngalan ni Jehova.”+

Footnote

Sa literal, “Tawo sia sang kapahuwayan.”
Halin sa Hebreo nga tinaga nga nagakahulugan “Paghidait.”
Ang isa ka talanton katumbas sang 34.2 ka kilo. Tan-awa ang Apendise B14.
Tan-awa ang Glossary.