Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Corinto 2:1-16

BALAYAN SANG KAUNDAN

  • Si Pablo nagbantala sa Corinto (1-5)

  • Labaw nga kaalam sang Dios (6-10)

  • Espirituwal kag pisikal nga tawo (11-16)

2  Gani mga kauturan, sang nagkadto ako sa pagpahayag sa inyo sang sagrado nga likom+ sang Dios, wala ako naggamit sing madalom nga mga tinaga+ ukon nagpadayawdayaw sing kaalam.  Kay namat-od ako nga ipatuhoy ang inyo igtalupangod kay Jesucristo lamang, kag sa pagpatay sa iya sa usok.+  Nagkadto ako sa inyo nga may kaluyahon kag kahadlok kag pagkurog;  kag ang akon ginhambal kag ginbantala indi paagi sa makabuluyok nga mga pulong sang kaalam sang mga tawo kundi paagi sa mga pulong nga nagapasundayag sang gahom sang espiritu,+  agod ang inyo pagtuo indi mapasad sa kaalam sang mga tawo, kundi sa gahom sang Dios.  Nagahambal kita tuhoy sa kaalam sa mga hamtong sa espirituwal,+ apang indi ang kaalam sini nga sistema sang mga butang* ukon sang mga manuggahom sini nga magakawala.+  Kundi nagahambal kita tuhoy sa kaalam sang Dios, nga natago sa isa ka sagrado nga likom.+ Gintuyo ini sang Dios sang wala pa ang sistema sang mga butang para sa aton himaya.  Wala sing manuggahom sini nga sistema sang mga butang* ang nakahibalo sini nga kaalam,+ kay kon nahibaluan nila ini wala kuntani nila ginpatay* ang mahimayaon nga Ginuo.  Apang subong sang nasulat na: “Wala makita sang mata kag wala mabatii sang dulunggan, kag wala mahangpan sang tagipusuon sang tawo ang mga butang nga ginhanda sang Dios para sa mga nagahigugma sa iya.”+ 10  Apang ginpahayag ini sang Dios sa aton+ paagi sa iya espiritu,+ kay ginausisa sang espiritu ang tanan nga butang, bisan pa ang madalom nga mga butang sang Dios.+ 11  Wala sing tawo nga makahibalo sang ginahunahuna sang isa ka tawo magluwas lang sa espiritu sina nga tawo. Gani, wala man sing makahibalo sang ginahunahuna sang Dios magluwas lang sa espiritu sang Dios. 12  Ginbaton naton, indi ang espiritu sang kalibutan, kundi ang espiritu nga halin sa Dios,+ agod mahangpan naton ang mga butang nga kinabubut-on nga ginhatag sang Dios sa aton. 13  Ginahambal man naton ini nga mga butang, indi paagi sa mga pulong nga gintudlo sang kaalam sang tawo,+ kundi paagi sa gintudlo sang espiritu.+ Ginapaathag* naton ang espirituwal nga mga butang paagi sa espirituwal nga mga pulong. 14  Apang wala ginabaton sang pisikal nga tawo ang mga butang sang espiritu sang Dios, kay kabuangan ini sa iya; kag indi niya ini mahangpan, bangod ginausisa ini sa espirituwal nga paagi. 15  Apang, ang espirituwal nga tawo nagausisa sang tanan nga butang,+ apang indi sia mausisa sang pisikal nga tawo. 16  Kay “sin-o ang nakahibalo sang hunahuna ni Jehova,* agod matudluan niya sia?”+ Apang yara sa aton ang hunahuna sang Cristo.+

Footnote

Ukon “sini nga tion.” Tan-awa ang Glossary.
Ukon “sini nga tion.” Tan-awa ang Glossary.
Ukon “ginpatay sa usok.”
Ukon “Ginatingob.”
Tan-awa ang Apendise A5.