Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Corinto 13:1-13

BALAYAN SANG KAUNDAN

  • Gugma—labaw sa tanan (1-13)

13  Bisan makahambal ako sang mga lenguahe sang mga tawo kag sang mga anghel apang kon wala ako sing gugma, kaangay ako sang saway nga magahod ukon simbal nga matagsing.  Kag bisan may dulot ako sa pagpanagna kag makahangop sang tanan nga sagrado nga likom kag sang tanan nga kaalam,+ kag bisan masaylo ko ang mga bukid bangod sang akon mabakod nga pagtuo, apang kon wala ako sing gugma, wala ako sing pulos.+  Kag bisan ibaligya ko ang tanan ko nga pagkabutang agod mapakaon ang iban,+ kag bisan ihalad ko ang akon lawas agod makapabugal ako, apang kon wala ako sing gugma,+ wala ini sing kapuslanan sa akon.  Ang gugma+ mapinasensiahon*+ kag mainayuhon.+ Ang gugma indi mahisaon.+ Wala ini nagapabugal, wala ini nagapahambog,+  wala ini nagagawi sing indi nagakaigo,*+ wala ini nagapangita sang kaugalingon nga kaayuhan.+ Indi ini maakigon.+ Wala ini nagaisip sang kahalitan.*+  Wala ini nagakalipay sa kalautan,+ kundi sa kamatuoran.  Nagaantos ini sang tanan nga butang,+ nagapati sang tanan nga butang,+ nagalaum sang tanan nga butang,+ nagabatas sang tanan nga butang.+  Ang gugma wala sing katapusan.* Apang ang dulot sa pagpanagna, sa paghambal sing lainlain nga mga lenguahe, kag sa pagbaton sing ihibalo nga ginhatag sang Dios sa tawo may katapusan.  Kay ang aton ihibalo+ kag ang aton pagpanagna indi pa bug-os, 10  apang kon may bug-os na kita nga ihibalo kag makapanagna na sing bug-os, ang indi bug-os nga ihibalo kag pagpanagna matapos. 11  Sang bata pa ako, ang akon paghambal, paghunahuna, kag pagpangatarungan kaangay sang bata; apang karon nga hamtong na ako, ginbayaan ko ang paggawi sang bata. 12  Kay sa karon malubog* ang makita naton sa metal nga espiho, apang sa ulihi mangin maathag ini. Sa karon limitado lang ang akon nahibaluan, apang sa ulihi mahibaluan ko ang tanan,* subong sang pagkahibalo sang Dios sa akon. 13  Ang pagtuo, paglaum, kag gugma magapadayon; apang ang pinakaimportante sa sining tatlo amo ang gugma.+

Footnote

Ukon “mainantuson.”
Ukon “indi ini bastos sing batasan.”
Ukon “sala.”
Ukon “wala gid nagakapaslawan.”
Ukon “indi maathag.”
Ukon “kabug-usan.”