Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

 B1

Ang Mensahe sang Biblia

TAN-AWA
Image
Text

Si Jehova nga Dios ang may kinamatarong sa paggahom. Sia ang pinakamaayo nga manuggahom. Matuman ang iya katuyuan para sa duta kag para sa mga tawo.

Pagkatapos sang 4026 B.C.E.

Ginhangkat sang “man-ug” ang kinamatarong kag paagi ni Jehova sa paggahom. Nagsaad si Jehova nga magapadala sia sang isa ka “kaliwat,” ukon “binhi,” nga magadugmok sa man-ug nga amo si Satanas. (Genesis 3:1-5, 15, footnote) Pero gintugutan ni Jehova nga gamhan sang mga tawo ang ila kaugalingon sa pila ka tion sa idalom sang impluwensia sang man-ug.

1943 B.C.E.

Ginsugiran ni Jehova si Abraham nga magahalin sa iya ang ginsaad nga “kaliwat.”—Genesis 22:18.

Pagkatapos sang 1070 B.C.E.

Ginpat-od ni Jehova kay Hari David kag sang ulihi sa iya anak nga si Solomon nga magahalin sa ila pamilya ang ginsaad nga “kaliwat.”—2 Samuel 7:12, 16; 1 Hari 9:3-5; Isaias 9:6, 7.

29 C.E.

Ginpakilala ni Jehova si Jesus nga amo ang ginsaad nga “kaliwat” kag Manunubli sang trono ni David.—Galacia 3:16; Lucas 1:31-33; 3:21, 22.

 33 C.E.

Ginpilasan sang man-ug nga si Satanas ang ginsaad nga “kaliwat” sang ginpatay si Jesus. Ginbanhaw ni Jehova si Jesus sa langit kag ginbaton niya ang balor sang himpit nga kabuhi ni Jesus, nga nangin basihan para mapatawad ang mga sala kag mahatagan ang indi himpit nga mga tawo sing kabuhi nga wala sing katapusan nga nadula ni Adan.—Genesis 3:15; Binuhatan 2:32-36; 1 Corinto 15:21, 22.

Mga 1914 C.E.

Gintagbong ni Jesus ang man-ug nga si Satanas sa duta kag magapabilin sia diri sa malip-ot nga tion.—Bugna 12:7-9, 12.

Sa palaabuton

Prisuhon ni Jesus si Satanas sa sulod sang 1,000 ka tuig kag dayon laglagon sia, malaragwayon nga dugmukon ang iya ulo. Matuman na ang orihinal nga katuyuan ni Jehova para sa duta kag para sa mga tawo, indi na pagpasipalahan ang iya ngalan, kag mapamatud-an nga ang paagi sang iya paggahom amo ang pinakamaayo.—Bugna 20:1-3, 10; 21:3, 4.