Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Santiago 3:1-18

3  Indi madamo sa inyo ang dapat mangin mga manunudlo, mga kauturan ko, kay nahibaluan naton nga magabaton kita sang mas mabug-at nga paghukom.  Kay kita tanan nagakasandad sing madamong beses. Kon ang bisan sin-o wala nagakasandad sa pulong, himpit sia nga tawo, nga sarang man makarenda sang iya bug-os nga lawas.  Kon ginabusalan naton ang mga baba sang mga kabayo agod magtuman sila sa aton, ginakontrol man naton ang ila bug-os nga lawas.  Yari karon! Bisan ang mga sakayan, wala sapayan nga tuman ini ka daku kag ginatulod sang mamadlos nga hangin, ginagiyahan sang tuman ka gamay nga timon sa bisan diin nga luyag sang timonel.  Gani, ang dila man isa ka gamay nga bahin sang lawas apang nagapabugal gid. Yari karon! Daw ano ka gamay nga kalayo ang kinahanglan agod masunog ang daku nga kagulangan!  Bueno, ang dila kalayo. Ang dila isa ka bahin sang aton lawas nga puno sang pagkadimatarong, kay ginahigkuan sini ang bug-os nga lawas kag malaglag sini ang kabuhi sang isa, kag nagadala sang kalaglagan kaangay sang Gehenna.*  Kay ang tagsa ka sahi sang talunon nga sapat kag pispis kag sapat nga nagakamang kag tinuga sa dagat, ginaanta kag naanta sang tawo.  Apang, wala sing tawo nga makaanta sa dila. Isa ini ka di-makontrol kag makahalalit nga butang, kag puno ini sang makamamatay nga hilo.  Paagi sini ginadayaw naton si Jehova, ang Amay, apang paagi sini ginapakamalaut naton ang mga tawo nga nagluntad “sa dagway sang Dios.” 10  Gikan sa isa lang ka baba nagagua ang pagdayaw kag ang pagpakamalaut. Indi nagakaigo, mga kauturan ko, nga ini nga mga butang padayon nga mahanabo sing subong sini. 11  Wala nagailig ang tab-ang kag maparat nga tubig gikan sa isa lang ka tuburan, indi bala? 12  Mga kauturan ko, indi makapamunga ang higuera sing mga olibo ukon ang puno sang ubas sing mga igos, indi bala? Ang maasin nga tubig indi man makahatag sang tab-ang nga tubig. 13  Sin-o ang maalam kag may paghangop sa inyo? Ipakita niya gikan sa iya maayo nga paggawi ang iya mga buhat nga may kalulo nga nagagikan sa kaalam. 14  Apang kon kamo may daku nga kahisa kag huyog nga makigbais sa inyo tagipusuon, indi kamo magpabugal kag magbinutig batok sa kamatuoran. 15  Indi ini ang kaalam nga halin sa hitaas, kundi ini dutan-on, sapatsapaton, demonyohanon. 16  Kay kon diin ang kahisa kag huyog nga makigbais, yara ang kagamo kag ang tagsa ka malaut nga butang. 17  Apang ang kaalam nga gikan sa hitaas una sa tanan putli, dayon mahidaiton, makatarunganon, handa sa pagtuman, puno sang kaluoy kag maayong mga bunga, wala sing ginapasulabi, indi salimpapaw. 18  Dugang pa, ang bunga sang pagkamatarong may binhi nga ginsab-ug sa mahidaiton nga mga kahimtangan para sa mga nagapakighidait.

Footnote

San 3:6 * Tan-awa ang Apendise 9.