Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Hebreo 2:1-18

2  Amo kon ngaa kinahanglan hatagan naton sang labaw pa sa kinaandan nga igtalupangod ang mga butang nga aton nabatian, agod indi gid kita maanod palayo.  Kay kon ang pulong nga ginhambal paagi sa mga anghel napamatud-an nga malig-on, kag ang tagsa ka paglapas kag di-matinumanon nga buhat nakabaton sang balos nga nahisanto sa katarungan;  paano kita makapalagyo kon ginapatumbayaan naton ang subong sini kadaku nga kaluwasan nga ginsugdan nga ihambal paagi sa aton Ginuo kag ginpamatud-an sa aton sang mga nakabati sa iya,  samtang ang Dios nagbuylog sa pagpamatuod paagi sa mga tanda kag subong man sa mga kalatingalahan kag sa nagkalainlain nga gamhanan nga mga buhat kag sa pagpanagtag sing balaan nga espiritu suno sa iya kabubut-on?  Kay wala niya ginpasakop sa mga anghel ang napuy-an nga duta nga magaabot, nga tuhoy sa sini nagahambal kami.  Apang may isa ka saksi nga nagpamatuod, nga nagasiling: “Ano bala ang tawo nga ginadumdom mo sia, ukon ang anak sang tawo nga ginaatipan mo sia?  Ginhimo mo sia nga kubos diutay sa mga anghel; ginkoronahan mo sia sing himaya kag dungog, kag gintangdo sia sa mga buhat sang imo mga kamot.  Ginpasakop mo ang tanan nga butang sa idalom sang iya mga tiil.” Bangod ginpasakop niya ang tanan nga butang sa iya, ang Dios wala magbilin sang bisan anong butang nga wala mapasakop sa iya. Apang, karon, wala pa naton makita nga napasakop sa iya ang tanan nga butang;  apang nakita naton si Jesus, nga ginhimo nga kubos diutay sa mga anghel, nga ginkoronahan sing himaya kag dungog bangod nag-antos sia sang kamatayon, agod paagi sa wala tupong nga kaayo* sang Dios matilawan niya ang kamatayon para sa tagsa ka tawo. 10  Kay nagakaigo para sa Isa, nga tungod sa iya kag paagi sa iya ang tanan nga butang nagluntad, nga sa pagdala sing madamo nga anak sa himaya himpiton niya ang Pangulo nga Ahente sang ila kaluwasan paagi sa mga pag-antos. 11  Kay sia nga nagapabalaan kag sila nga ginapakabalaan nagagikan tanan sa isa, kag bangod sini wala sia mahuya nga tawgon sila nga “kauturan,” 12  kay nagasiling sia: “Ipahayag ko ang imo ngalan sa akon mga kauturan; sa tunga sang kongregasyon dayawon ko ikaw paagi sa ambahanon.” 13  Kag sa liwat: “Magasalig ako sa iya.” Kag sa liwat: “Yari karon! Ako kag ang mga anak, nga ginhatag ni Jehova sa akon.” 14  Busa, sanglit ang “mga anak” umalambit sa dugo kag unod, sia man nag-ambit sini nga mga butang, agod paagi sa iya kamatayon malaglag niya ang isa nga may ikasarang sa pagpahanabo sing kamatayon, nga amo ang Yawa; 15  kag agod mahilway niya ang tanan nga tungod sa kahadlok sa kamatayon napasakop sa pagkaulipon sa bug-os nila nga kabuhi. 16  Kay sa pagkamatuod indi mga anghel ang ginabuligan niya, kundi ang binhi ni Abraham ang ginabuligan niya. 17  Gani kinahanglan sia mangin kaangay sa iya “mga kauturan” sa tanan nga paagi, agod sia mangin isa ka maluluy-on kag matutom nga mataas nga saserdote sa mga butang may kaangtanan sa Dios, agod magdulot sang nagapasag-uli nga halad para sa mga sala sang katawhan. 18  Kay bangod sia mismo nag-antos sang gintilawan sia, makasarang sia sa pagbulig sa mga ginatilawan.

Footnote

Heb 2:9 * Tan-awa ang nota sa Ju 1:14.