Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Galacia 5:1-26

5  Kay sa sini nga kahilwayan ginhilway kita ni Cristo. Gani, magtindog kamo sing malig-on, kag indi na magpasakop liwat sa gota sang pagkaulipon.  Pamati kamo! Ako, si Pablo, nagasiling sa inyo nga kon magpatuli kamo, mangin wala pulos si Cristo sa inyo.  Dugang pa, nagapamatuod ako liwat sa tagsa ka tawo nga nagapatuli nga may salabton sia sa pagtuman sa bug-os nga Kasuguan.  Nahamulag kamo kay Cristo, bisan sin-o man kamo nga nagatinguha nga mapahayag nga matarong paagi sa kasuguan; nagbiya kamo gikan sa iya wala tupong nga kaayo.  Sa amon bahin, paagi sa espiritu malangkagon nga ginahulat namon ang ginalauman nga pagkamatarong bangod sang pagtuo.  Kay kon nahanungod kay Cristo Jesus wala sing kapuslanan ang pagtuli ukon ang di-pagtuli, kundi ang pagtuo nga nagapanghikot paagi sa gugma.  Nagadalagan kamo sing maayo. Sin-o ang nag-upang sa inyo sa padayon nga pagtuman sa kamatuoran?  Ini nga sahi sang pagbuyok wala naggikan sa Isa nga nagatawag sa inyo.  Ang diutay nga lebadura nagapakumbo sa bug-os nga linamas. 10  May pagsalig ako sa inyo nga nahiusa sa Ginuo nga indi kamo magahunahuna sing tuhay; apang ang nagapanggamo sa inyo magabaton sang iya paghukom, bisan sin-o pa sia. 11  Kon tuhoy sa akon, mga kauturan, kon nagabantala pa ako sang pagtuli, ngaa ginahingabot pa ako? Kon amo, gindula na ang kasandaran sa usok sang pag-antos.* 12  Luyag ko kuntani nga ang mga lalaki nga nagagamo sa inyo magpakapon na. 13  Sa pagkamatuod, gintawag kamo sa kahilwayan, mga kauturan; apang indi ninyo paggamita ini nga kahilwayan nga magpahulag sa unod, kundi paagi sa gugma, magpaulipon kamo sa isa kag isa. 14  Kay ang bug-os nga Kasuguan nagakatuman sa isa ka pinamulong, nga amo: “Higugmaon mo ang imo isigkatawo subong sang imo kaugalingon.” 15  Apang kon padayon kamo nga nagaatakihay kag nagasakitanay, mag-andam kamo nga wala kamo nagalaglag sa isa kag isa. 16  Apang ginasiling ko, Padayon sa paglakat suno sa espiritu kag indi gid kamo magahimo sang undanon nga kailigbon. 17  Kay ang unod batok sa espiritu sa kailigbon sini, kag ang espiritu batok sa unod; kay nagasumpunganay ini sa isa kag isa, amo nga ang mga butang mismo nga luyag ninyo himuon wala ninyo ginahimo. 18  Dugang pa, kon ginatuytuyan kamo sang espiritu, wala kamo sa idalom sang kasuguan. 19  Karon dayag ang mga buhat sang unod, kag ini amo ang pagpakighilawas, kahigkuan, lugak nga paggawi, 20  idolatriya, espiritismo, pag-ilinaway, pinuyas, kaimon, pagsilabo sang kaakig, pagbaisay, pagbinahinbahin, mga sekta, 21  kahisa, pagpahubog, magansal nga kinalipay, kag mga butang nga kaangay sini. Tuhoy sini nga mga butang ginapaandaman ko kamo nga daan, kon paano nga napaandaman ko na kamo, nga ang mga nagabuhat sini nga mga butang indi makapanubli sang ginharian sang Dios. 22  Sa pihak nga bahin, ang mga bunga sang espiritu amo ang gugma, kalipay, paghidait, pagkamapinasensiahon, kaayo, pagkamaayo, pagtuo, 23  kalulo, pagpugong sa kaugalingon. Batok sa sini nga mga butang wala sing kasuguan. 24  Dugang pa, ang mga natungod kay Cristo Jesus naglansang sang unod sa usok upod sang mga balatyagon kag mga kailigbon sini. 25  Kon nagakabuhi kita suno sa espiritu, padayon man kita nga maglakat sing mahim-ong suno sa espiritu. 26  Indi kita sobra nga magpaimportante sang kaugalingon, nga nagasugyot sang paindisanay sa isa kag isa, nga nagahinisaay sa isa kag isa.

Footnote

Gal 5:11 * Tan-awa ang Apendise 6.