Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Bugna 8:1-13

8  Kag sang ginhukas niya ang ikapito nga pat-in, may kalinong sa langit sa sulod sang mga tunga sa oras.  Kag nakita ko ang pito ka anghel nga nagatindog sa atubangan sang Dios, kag ginhatagan sila sing pito ka trumpeta.  Kag nag-abot ang isa pa ka anghel kag nagtindog sa luyo sang halaran nga may bulawan nga suludlan sang incienso; kag ginhatagan sia sing madamo nga incienso agod ihalad ini sa bulawan nga halaran sa atubangan sang trono upod sa mga pangamuyo sang tanan nga balaan.  Kag ang aso sang incienso nagpaibabaw gikan sa kamot sang anghel upod sa mga pangamuyo sang mga balaan sa atubangan sang Dios.  Apang sa gilayon ginkuha sang anghel ang suludlan sang incienso, kag ginpuno niya ini sing kalayo gikan sa halaran kag ginhaboy ini sa duta. Kag may mga daguob kag mga tingog kag mga kilat kag linog.  Kag ang pito ka anghel nga may pito ka trumpeta naghanda sa pagpatunog sini.  Kag ginpatunog sang nahauna ang iya trumpeta. Kag may yelo kag kalayo nga nasamuan sing dugo, kag ginhaboy ini sa duta; kag ang ikatlo nga bahin sang duta nasunog, kag ang ikatlo nga bahin sang mga kahoy nasunog, kag ang tanan nga berde nga tanom nasunog.  Kag ginpatunog sang ikaduha nga anghel ang iya trumpeta. Kag gintagbong sa dagat ang kaangay sa isa ka daku nga bukid nga nagakalayo. Kag ang ikatlo nga bahin sang dagat nangin dugo;  kag ang ikatlo nga bahin sang mga tinuga sa dagat nga may kalag* nagkalamatay, kag ang ikatlo nga bahin sang mga sakayan nawasak. 10  Kag ginpatunog sang ikatlo nga anghel ang iya trumpeta. Kag nahulog gikan sa langit ang daku nga bituon nga nagadabdab subong sang isa ka sulo, kag nagtupa ini sa ikatlo nga bahin sang mga suba kag sa mga tuburan sang tubig. 11  Kag ang ngalan sang bituon amo ang Ajenjo.* Kag ang ikatlo nga bahin sang tubig nangin ajenjo, kag madamo nga tawo ang nagkalamatay bangod sang tubig, bangod nagpait ini. 12  Kag ginpatunog sang ikap-at nga anghel ang iya trumpeta. Kag naigo ang ikatlo nga bahin sang adlaw kag ang ikatlo nga bahin sang bulan kag ang ikatlo nga bahin sang mga bituon, agod magdulom ang ikatlo nga bahin sini kag wala sing kasanag ang ikatlo nga bahin sang adlaw, kag subong man ang gab-i. 13  Kag nagtulok ako, kag nabatian ko ang agila nga nagalupad sa tunga sang kalangitan nga nagasiling sa mabaskog nga tingog: “Kailo, kailo, kailo sa mga nagapuyo sa duta bangod sang nabilin pa nga mga tunog sang trumpeta sang tatlo ka anghel nga buot na magpatunog sang ila mga trumpeta!”

Footnote

Bug 8:9 * Ukon, “kabuhi.” Tan-awa ang Apendise 7.
Bug 8:11 * Mapait ini kag makahililo.