Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Bugna 4:1-11

4  Sa tapos sini nagtulok ako, kag, yari karon! may isa ka bukas nga ganhaan sa langit, kag ang una nga tingog nga nabatian ko anay nga kaangay sa trumpeta nga nagpakighambal sa akon, nagsiling: “Saka diri, kag ipakita ko sa imo ang mga butang nga dapat mahanabo.”  Sa tapos sini gilayon nga napaidalom ako sa gahom sang espiritu: kag, yari karon! may trono sa langit, kag may isa nga nagalingkod sa trono.  Kag ang dagway sang isa nga nagalingkod kaangay sa bato nga jaspe kag sa malahalon nga pula nga bato, kag sa palibot sang trono may balangaw nga kaangay sa esmeralda kon tulukon.  Kag sa palibot sang trono may duha ka pulo kag apat ka trono, kag sa sini nga mga trono nakita ko nga nagalingkod ang duha ka pulo kag apat ka gulang nga nagasuksok sang puti nga mga panapton, kag sa ila ulo may bulawan nga korona.  Kag may mga kilat kag mga tingog kag mga daguob nga nagagikan sa trono; kag may pito ka suga nga kalayo nga nagadabdab sa atubangan sang trono, kag nagakahulugan ini sang pito ka espiritu sang Dios.  Kag sa atubangan sang trono may isa ka daw salaming nga dagat kaangay sang kristal. Kag sa tunga malapit sa trono kag sa palibot sang trono may apat ka buhi nga tinuga nga puno sang mga mata sa atubangan kag sa likod.  Kag ang nahauna nga buhi nga tinuga kaangay sa leon, kag ang ikaduha nga buhi nga tinuga kaangay sa torite nga baka, kag ang ikatlo nga buhi nga tinuga may nawong kaangay sa iya sang tawo, kag ang ikap-at nga buhi nga tinuga kaangay sa nagalupad nga agila.  Kag tuhoy sa apat ka buhi nga tinuga, ang tagsa sa ila may anom ka pakpak; puno ini sang mga mata sa palibot kag sa idalom. Kag wala sila sing pahuway sa adlaw kag gab-i samtang nagasiling sila: “Balaan, balaan, balaan si Jehova nga Dios, ang Labing Gamhanan, nga amo anay kag amo karon kag ang magakari.”  Kag kon ang apat ka buhi nga tinuga maghatag sang himaya kag dungog kag pasalamat sa Isa nga nagalingkod sa trono, ang Isa nga nagakabuhi tubtob sa wala katubtuban, 10  ang duha ka pulo kag apat ka gulang nagaluhod sa atubangan sang Isa nga nagalingkod sa trono kag nagasimba sa Isa nga nagakabuhi tubtob sa wala katubtuban, kag gin-itsa nila ang ila mga korona sa atubangan sang trono, nga nagasiling: 11  “Takus ka, Jehova, nga amon Dios, nga magbaton sang himaya kag dungog kag gahom, bangod gintuga mo ang tanan nga butang, kag bangod sang imo kabubut-on nagluntad sila kag natuga.”

Footnote