Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

Bugna 16:1-21

16  Kag nabatian ko ang mabaskog nga tingog gikan sa santuaryo nga nagasiling sa pito ka anghel: “Lakat kamo kag iula ninyo ang pito ka yahong sang kaakig sang Dios sa duta.”  Kag naglakat ang nahauna nga anghel kag gin-ula ang iya yahong sa duta. Kag gintubuan sing nagangutngot kag malala nga mga hubag ang mga tawo nga may marka sang mabangis nga sapat kag nagasimba sa larawan sini.  Kag gin-ula sang ikaduha nga anghel ang iya yahong sa dagat. Kag nangin dugo ini subong sang iya sang patay nga tawo, kag nagkalamatay ang tanan nga buhi nga kalag, huo, ang mga butang sa dagat.  Kag gin-ula sang ikatlo nga anghel ang iya yahong sa mga suba kag sa mga tuburan sang tubig. Kag nangin dugo ini.  Kag nabatian ko ang anghel sang tubig nga nagasiling: “Matarong ka, ang Isa nga amo karon kag amo anay, ang Isa nga mainunungon, bangod ginhatag mo ini nga mga desisyon,  bangod gin-ula nila ang dugo sang mga balaan kag sang mga manalagna, kag ginhatagan mo sila sing dugo agod imnon. Nagakadapat ini sa ila.”  Kag nabatian ko ang halaran nga nagasiling: “Huo, Jehova nga Dios, ang Labing Gamhanan, matuod kag matarong ang imo hudisyal nga mga desisyon.”  Kag gin-ula sang ikap-at nga anghel ang iya yahong sa adlaw; kag gintugutan ang adlaw nga pasuon sang kalayo ang mga tawo.  Kag napaso ang mga tawo sa masingkal nga init, apang ginpasipalahan nila ang ngalan sang Dios, nga may awtoridad sa sini nga mga kalalat-an, kag wala sila maghinulsol agod maghatag sang himaya sa iya. 10  Kag gin-ula sang ikalima nga anghel ang iya yahong sa trono sang mabangis nga sapat. Kag nagdulom ang ginharian sini, kag ginkagat nila ang ila dila bangod sang ila kasakit, 11  apang ginpasipalahan nila ang Dios sang langit bangod sang ila kasakit kag mga hubag, kag wala nila ginhinulsulan ang ila mga binuhatan. 12  Kag gin-ula sang ikan-om nga anghel ang iya yahong sa daku nga suba sang Eufrates, kag nahubas ang tubig sini, agod mahanda ang dalan para sa mga hari gikan sa ginabutlakan sang adlaw. 13  Kag nakita ko nga naggua sa baba sang dragon kag sa baba sang mabangis nga sapat kag sa baba sang butig nga manalagna ang tatlo ka daw mga paka nga di-matinlo nga pinamulong sang espiritu. 14  Sa katunayan, mga pinamulong ini sang espiritu sang mga demonyo kag nagahimo ini sang mga tanda, kag nagakadto ini sa mga hari sang bug-os napuy-an nga duta, agod tipunon sila sa inaway sang daku nga adlaw sang Dios nga Labing Gamhanan. 15  “Yari karon! Magaabot ako subong sang kawatan. Malipayon ang isa nga nagapabilin nga nagamata kag nagatipig sang iya mga panapton, agod indi sia maglakat nga naubahan kag makita sang mga tawo ang iya kahuluy-an.” 16  Kag gintipon sini sila sa duog nga ginatawag sa Hebreo Har–Magedon. 17  Kag gin-ula sang ikapito nga anghel ang iya yahong sa hangin. Bangod sini may mabaskog nga tingog nga naggua sa santuaryo gikan sa trono, nga nagasiling: “Natapos na!” 18  Kag may mga kilat kag mga tingog kag mga daguob, kag may mabaskog nga linog nga wala pa gid anay mahanabo kutob sang may mga tawo sa duta, kag tuman gid kabaskog ini nga linog. 19  Kag ang daku nga siudad napihak sa tatlo ka bahin, kag ang mga siudad sang mga pungsod napukan; kag ang Babilonia nga Daku nadumduman sang Dios, agod hatagan sia sing kopa nga may alak sang iya masingkal nga kaakig. 20  Subong man, ang tagsa ka isla nagpalagyo, kag ang mga bukid wala na makita. 21  Kag nagkalahulog sa mga tawo ang dalagku nga mga yelo halin sa langit nga ang binilog sini subong kabug-at sa isa ka talanton,* kag ginpasipalahan sang mga tawo ang Dios tungod sang kalalat-an nga yelo, bangod ini nga kalalat-an makahalalit gid.

Footnote

Bug 16:21 * Mga 20.4 ka kilo.