Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

2 Tesalonica 3:1-18

3  Sa katapusan, mga kauturan, padayon kamo nga magpangamuyo para sa amon, agod ang pulong ni Jehova padayon nga maglapnag sing madasig kag mahimaya subong nga amo gid sini sa inyo;  kag agod maluwas kami gikan sa makahalalit kag malaut nga mga tawo, kay indi tanan nga tawo may pagtuo.  Apang ang Ginuo matutom, kag palig-unon niya kamo kag tipigan kamo gikan sa isa nga malauton.  Dugang pa, may pagsalig kami sa Ginuo nahanungod sa inyo, nga ginahimo ninyo kag padayon nga himuon ang amon ginasugo.  Kabay nga ang Ginuo padayon nga magtuytoy sing madinalag-on sang inyo tagipusuon sa gugma sa Dios kag sa pagbatas tungod sa Cristo.  Karon ginasugo namon kamo, mga kauturan, sa ngalan ni Ginuong Jesucristo, nga magpalayo kamo sa tagsa ka utod nga nagalakat sing di-matinumanon kag indi suno sa tradisyon nga nabaton ninyo gikan sa amon.  Kay nahibaluan ninyo mismo kon paano ninyo kami dapat ilugon, bangod wala kami maggawi sing di-matinumanon sa tunga ninyo  kag wala man kami magkaon sang kalan-on nga wala bayad gikan kay bisan sin-o. Sa kabaliskaran, sa lakas nga pagpangabudlay kag daku nga pagpanikasog sa adlaw kag gab-i nagpangabudlay kami agod indi magpabug-at sang daku nga kagastuhanan sa bisan isa sa inyo.  Indi nga wala kami sing awtoridad, kundi agod mapakita namon ang amon kaugalingon subong halimbawa sa inyo agod ilugon kami. 10  Sa katunayan, sang kaupod pa ninyo kami, ginhatag namon sa inyo ini nga sugo: “Kon ang bisan sin-o indi luyag mag-obra, indi man sia pagpakan-a.” 11  Kay nabatian namon nga may pila nga nagalakat sing di-matinumanon sa tunga ninyo, nga wala gid nagaobra kundi nagapasilabot sa mga butang nga wala sila sing labot. 12  Ginasugo kag ginalaygayan namon ini nga mga tawo kay Ginuong Jesucristo nga paagi sa pag-obra sing malinong dapat sila magkaon sang kalan-on nga ila mismo ginpangabudlayan. 13  Sa inyo bahin, mga kauturan, indi kamo magpangampo sa paghimo sing husto. 14  Apang kon ang bisan sin-o indi matinumanon sa amon pulong paagi sini nga sulat, tandai ninyo sia, kag untati ninyo ang pagpakig-upod sa iya, agod mahuya sia. 15  Apang indi ninyo sia pagkabigon nga kaaway, kundi padayon ninyo sia nga laygayan subong isa ka utod. 16  Karon kabay nga ang Ginuo sang paghidait maghatag pirme sa inyo sang paghidait sa tanan nga paagi. Ang Ginuo mangin kaupod ninyo tanan. 17  Ako, si Pablo, nagasulat sini nga panamyaw paagi sa akon mismo kamot, nga isa ka tanda sa tagsa ka sulat; amo ini ang akon panulat. 18  Ang wala tupong nga kaayo sang aton Ginuong Jesucristo mangin yara sa inyo tanan.

Footnote