Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

2 Corinto 13:1-14

13  Ikatlo na ini nga higayon nga makadto ako sa inyo. “Sa baba sang duha ka saksi ukon sang tatlo ang tagsa ka butang mapalig-on.”  Ginsiling ko na sang una, kag subong bala nga daw yara ako dira sa inyo sa ikaduha nga higayon bisan pa wala ako dira karon, ginasiling ko nga daan sa mga nagpakasala sang una kag sa tanan nga iban pa, nga kon makakadto ako liwat, wala sing makalikaw sa disiplina,  bangod nagapangita kamo sang pamatuod nga si Cristo nagahambal paagi sa akon, si Cristo nga indi maluya sa inyo kundi gamhanan sa tunga ninyo.  Matuod, ginlansang sia sa usok tungod sa kaluyahon, apang buhi sia tungod sa gahom sang Dios. Matuod man, maluya kami upod sa iya, apang magakabuhi kami kaupod niya tungod sa gahom sang Dios nga yara sa inyo.  Padayon nga tilawi kon yara kamo sa pagtuo, padayon nga pamatud-i kon ano kamo. Ukon wala bala ninyo mahibalui nga si Jesucristo nahiusa sa inyo? Luwas lamang kon kamo indi kalahamut-an.  Nagalaum gid ako nga mahibaluan ninyo nga indi kami di-kalahamut-an.  Karon nagapangamuyo kami sa Dios nga indi kamo makahimo sang sayop, indi agod mangin kalahamut-an kami kon tan-awon, kundi agod mahimo ninyo ang maayo, bisan pa daw indi kami kalahamut-an kon tan-awon.  Kay wala kami sing bisan ano nga mahimo batok sa kamatuoran, kundi para lamang sa kamatuoran.  Nagakasadya gid kami kon maluya kami apang mabaskog kamo; kag amo ini ang ginapangamuyo namon, nga makapasibu kamo. 10  Amo kon ngaa ginasulat ko ini samtang wala ako dira sa inyo, agod kon yara ako dira, indi ako mangin matigdas, kay ginhatagan ako sang Ginuo sing awtoridad sa pagpabakod kag indi sa pagguba. 11  Sa katapusan, mga kauturan, padayon kamo nga magkasadya, nga magpasibu, nga malugpayan, nga maghunahuna nga may paghilisugot, nga magkabuhi sing mahidaiton; kag ang Dios sang gugma kag paghidait mangin kaupod ninyo. 12  Tamyawa ninyo ang isa kag isa paagi sa balaan nga halok. 13  Ang tanan nga balaan nagapadala sang ila panamyaw sa inyo. 14  Ang wala tupong nga kaayo ni Ginuong Jesucristo kag ang gugma sang Dios kag ang pagpakig-ambit sa balaan nga espiritu mangin yara sa inyo tanan.

Footnote