Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

1 Corinto 5:1-13

5  Ang matuod ginasugid nga may pagpakighilawas sa tunga ninyo, kag ang amo nga pagpakighilawas wala gani bisan sa mga pungsod, nga ginapuyo sang isa ka tawo ang asawa sang iya amay.  Kag nagapahambog bala kamo, kag indi bala dapat kuntani maglalaw kamo, agod ang tawo nga naghimo sini dapat sikwayon sa tunga ninyo?  Ako mismo, bisan wala dira sa pisikal apang yara sa espiritu, naghukom na gid sa tawo nga naghimo sing subong sini, subong bala nga daw yara ako dira,  agod sa ngalan sang aton Ginuong Jesus, kon kamo nagatipon, subong man ang akon espiritu upod ang gahom sang aton Ginuong Jesus,  itugyan ninyo ini nga tawo kay Satanas para sa kalaglagan sang unod, agod ang espiritu maluwas sa adlaw sang Ginuo.  Indi maayo ang kabangdanan sang inyo pagpabugal. Wala bala kamo makahibalo nga ang diutay nga lebadura nagapakumbo sa bug-os nga linamas?  Kuhaa ang daan nga lebadura, agod mangin bag-o kamo nga linamas, subong gid nga wala kamo sing pangpakumbo. Kay, sa pagkamatuod, nahalad na ang aton halad sa paskua, si Cristo.  Gani saulugon naton ang kapiestahan, indi paagi sa daan nga lebadura, kag indi man paagi sa lebadura sang kalainan kag kalautan, kundi paagi sa mga tinapay nga wala sing pangpakumbo, ang tinapay sang pagkasinsero kag kamatuoran.  Sa akon sulat nagsiling ako sa inyo nga untatan ninyo ang pagpakig-upod sa mga makihilawason, 10  indi buot silingon nga mag-untat sa pagpakig-upod sing bug-os sa mga makihilawason sini nga kalibutan ukon sa makagod nga mga tawo kag sa mga manugkilkil ukon sa mga nagasimba sa mga idolo. Kay kon amo sina, kinahanglan nga maggua gid kamo sa kalibutan. 11  Apang karon nagasulat ako sa inyo nga untatan ninyo ang pagpakig-upod kay bisan sin-o nga ginatawag nga utod nga isa ka makihilawason ukon makagod nga tawo ukon nagasimba sa mga idolo ukon nagatamay sa iban ukon palahubog ukon manugkilkil, nga indi gani magkaon upod sa sini nga tawo. 12  Kay ano bala ang labot ko sa paghukom sa mga yara sa gua? Indi bala ginahukman ninyo ang mga yara sa sulod, 13  samtang ang Dios ang nagahukom sa mga yara sa gua? “Sikwaya ang malaut nga tawo sa tunga ninyo.”

Footnote