Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON) Tan-awa ang 2014 nga edisyon

1 Corinto 13:1-13

13  Kon nagahambal ako sang mga hambal sang mga tawo kag sang mga anghel apang wala sing gugma, nangin isa ako ka nagatunog nga instrumento nga saway ukon nagasantikanay nga apiping.  Kag kon may dulot ako sa pagpanagna kag nahibaluan ko ang tanan nga sagrado nga likom kag ang tanan nga ihibalo, kag kon may bug-os ako nga pagtuo agod makasaylo sang mga bukid, apang wala ako sing gugma, wala ako sing pulos.  Kag kon ipanghatag ko ang tanan ko nga pagkabutang agod mapakaon ang iban, kag kon itugyan ko ang akon lawas, agod makapabugal ako, apang wala ako sing gugma, wala ini sing nahatag nga kaayuhan sa akon.  Ang gugma mapinasensiahon kag mainayuhon. Ang gugma indi maimon, wala ini nagapabugal, wala nagapahambog,  wala nagagawi sing di-nagakaigo, wala nagapangita sang kaugalingon nga kaayuhan, indi ini maakigon. Wala ini nagaisip sang kahalitan.  Wala ini nagakasadya sa pagkadimatarong, kundi nagakasadya sa kamatuoran.  Ginaagwanta sini ang tanan nga butang, ginapatihan ang tanan nga butang, ginalauman ang tanan nga butang, ginabatas ang tanan nga butang.  Ang gugma wala gid nagauntat.* Apang bisan pa may mga dulot nga pagpanagna, madula ini; bisan pa may paghambal sing lainlain nga hambal, magauntat ini; bisan pa may dulot nga ihibalo, madula ini.  Kay ang aton ihibalo indi bug-os kag ang aton pagpanagna indi bug-os; 10  apang kon ang bug-os mag-abot, ang indi bug-os madula. 11  Sang bata pa ako, nagahambal ako subong sang bata, nagahunahuna subong sang bata, nagapangatarungan subong sang bata; apang karon nga hamtong na ako nga tawo, gindula ko na ang mga batasan sang bata. 12  Kay sa karon makakita kita sang buron nga dagway paagi sa metal nga espiho, apang sa ulihi mangin maathag* ini. Sa karon indi bug-os ang akon nahibaluan, apang sa ulihi makahibalo ako sing sibu subong nga nakilala ako sing sibu. 13  Apang, karon nagapabilin ang pagtuo, paglaum, gugma, ining tatlo; apang ang labing daku sa sini amo ang gugma.

Footnote

1Co 13:8 * Ukon, “wala gid nagakapaslawan.”
1Co 13:12 * Sa literal, “nawong sa nawong.”