Magdiretso sa kaundan

GINDESINYO BALA INI?

Ang Makatilingala nga Gaway sang Kugita

Ang Makatilingala nga Gaway sang Kugita

Ang mga robotic engineer nagahimo sing mga kagamitan nga makabulig sa mga doktor kon nagaopera sila sa sulod sang lawas nga indi kinahanglan sing daku nga pilas. Ang isa sini nga kagamitan gin-ilog sa gaway sang kugita nga hapos bag-uhon ang posisyon.

Binagbinaga: Ang kugita makauyat kag makakumo sang mga butang sa iya walo ka gaway bisan pa gutok ang espasyo. Indi lang niya mapabawod ang iya mga gaway kundi mapatig-a niya ang bisan diin nga parte sang iya gaway kon kinahanglanon.

Nagapati ang mga researcher nga kon may pareho sini nga desinyo sang robot, magamit gid ini sing maayo sa pag-opera nga indi kinahanglan sing daku nga pilas. Mangin simple lang ang pag-opera sini sa mga pasyente nga nagakinahanglan kuntani sing komplikado nga operasyon.

Tan-awa kon paano nagahulag ang mga gaway sang kugita

May nahimo na nga robot nga gin-ilog sa sini kag ginaeksperimentuhan pa ang paggamit sini. Ang isa ka kamot sang 135 ka milimetros nga robot makauyat kag makahakwat sang mahumok nga mga organo sang lawas nga indi masamaran, samtang ang isa pa amo ang nagaopera. Si Dr. Tommaso Ranzani, nga lakip sa naghimo sini nga robot, nagsiling nga “ini nga kagamitan amo ang basihan para mapanami pa gid ang desinyo sini sa ulihi.”

Ang mahumok kag mahapos palisuon nga robot nga may gaway makabulig gid sa pag-opera

Ano sa banta mo? Ang gaway sang kugita resulta bala sang ebolusyon? Ukon gindesinyo ini?