Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Dapat Ko Bala Tumanon ang Pagsulundan sang Akon mga Ginikanan?

Dapat Ko Bala Tumanon ang Pagsulundan sang Akon mga Ginikanan?

Mahimo may kilala ka nga mga kaedad mo nga bisan ano oras makapauli, makasuksok sang bisan ano, kag makaupod sa ila mga abyan bisan san-o kag bisan diin nila gusto. Basi ang ila mga ginikanan tuman kasako amo nga wala na sini matalupangdan ang ginahimo sang ila kabataan.

Ang Biblia nagsiling nga yara sa katalagman ang kabataan nga ginpadaku sa sini nga paagi. (Hulubaton 29:15) Ang mga bata nga ginapagustuhan lang sang ila ginikanan masami nga kaugalingon lang ang ginapensar, amo nga indi katingalahan nga madamo nga tawo subong ang wala sing gugma.2 Timoteo 3:1-5.

Imbes nga mahisa sa kabataan nga ginapagustuhan lang, kabiga ang mga pagsulundan sang imo ginikanan bilang pamatuod sang ila gugma kag pag-ulikid sa imo. Paagi sa paghatag sa imo sing nagakaigo nga limitasyon, ginailog nila si Jehova nga Dios nga nagsiling sa iya katawhan:

“Tudluan ko ikaw sang dalan nga dapat mo pagaagyan. Laygayan ko ikaw samtang nagabantay ako sa imo.”Salmo 32:8, Ang Pulong sang Dios, APD.