Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

Paano Ko Mabatuan ang Pagsulay?

Paano Ko Mabatuan ang Pagsulay?

Ang puede mo himuon

Una, tandai nga ikaw ang may salabton sa ginahimo mo, indi ang mga abyan mo.

Ikaduha, hibalua kon ano nga pagsulay ang nabudlayan mo gid batuan.

Pagkatapos, pamangkuta ang imo kaugalingon, ‘Diin masami nagakatabo ini nga pagsulay?’ (Sa eskwelahan? Sa ulubrahan? Iban pa?) Kon nahibaluan mo kon diin masami nagakatabo ang pagsulay, mas mahapos mo ini malikawan.

Karon, handa ka na sa imo himuon. Ang una mo nga himuon amo ang paghibalo kon paano mabuhinan ukon malikawan ang pagsulay. (Halimbawa: Kon pirme mo masugata ang imo mga klasmeyt pagkatapos sang klase, kag ginasulay ka nila nga magpanigarilyo, mahimo sa lain ka na lang maagi para malikawan mo sila.) Ang kamatuoran: Ang mga “abyan” nga nagapilit sa imo nga maghimo sing malain indi matuod nga mga abyan.

Kon magpadaug ka sa pagsulay, mangin ulipon ka sang imo kailigbon

Siempre, indi mo gid malikawan sing bug-os ang mga pagsulay. Mahimo gani nga may maabot ini sa tion nga wala mo gid ginapaabot. Ano ang himuon mo?

Mangin handa!

Binagbinaga: Nahibaluan na ni Jesus kon ano ang iya himuon sa sitwasyon. Determinado sia nga tumanon ang iya Amay sa tanan nga tion. (Juan 8:28, 29) Gani dapat subong pa lang, nahibaluan mo na kon ano ang imo himuon.

Tilawi ini. Magpensar sang duha ka rason kon ngaa dapat mo batuan ang pagsulay nga pirme mo maatubang, kag ang duha ka paagi nga mabatuan mo ini.

Pabay-an mo lang bala ang iban nga kontrolon ka? Mangin determinado nga himuon ang husto. (Colosas 3:5) Kag ipangamuyo nga padayon mo ini nga mahimo.—Mateo 6:13.

 

 

Magtuon sing Dugang Pa

MAGMATA!

Paano Atubangon ang Pag-ipit sang Katubotubo?

Mahimo mangin malain ang maayo nga tawo bangod sang pag-ipit sang katubotubo. Ano ang dapat mo mahibaluan parte sini, kag paano mo ini atubangon?

PAMANGKOT SANG MGA PAMATAN-ON

Ginapilit Ka Bala nga Mag-sex?

Mangin maayo bala ang resulta kon magsugot ka? Hinulsulan mo bala ini?