Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Ngaa Kinahanglan Ko Mag-ehersisyo?

Ngaa Kinahanglan Ko Mag-ehersisyo?

Ang Biblia nagasiling: ‘Ang paghanas sa lawas may kapuslanan.’ (1 Timoteo 4:8) Madamo nga pamatan-on ang nagasiling, “Dapat ako mag-ehersisyo,” pero ginatamaran sila maghimo sini.

  • “Daw indi mapatihan nga madamo nga estudyante ang wala makapasar sa P.E. sang hayskul ako, bisan pa nga mahapos ini katama.”—Richard, 21.

  • “Ang iban nagasiling, ‘Ngaa magsagi ka dalagan sa gua kag magpainit asta nga pamalhason ka kag kapuyon kay puede mo man ini mahimo kon maghampang ka sang video game?’ ”—Ruth, 22.

Kon amo man sini ang imo ginabatyag, binagbinaga ang tatlo ka benepisyo kon regular ka nga mag-ehersisyo.

Benepisyo 1. Nagapabakod ini sang imo immune system. Si Tatay pirme nagasiling, ‘Kon wala ka sing tion mag-ehersisyo, ginahatagan mo gid sing tion ang balatian,’ ” siling sang 19 anyos nga si Rachel.

Benepisyo 2. Ginapagua sini ang mga kemikal sa imo utok nga nagapakalma sa imo. Manami gid nga ehersisyo ang pagdalagan kon madamo ako sing ginapamensar,” siling sang 16 anyos nga si Emily. “Nagapagsik ako kag naganami ang akon pamatyag.

Benepisyo 3. Makalilipay ini. Nanamian ako maggua,” siling ni Ruth, “amo nga lakip sa akon ehersisyo ang hiking, swimming, snowboarding, kag pagbisikleta.

Sekreto Para Magmadinalag-on: Maghatag sing bisan 20 minutos lang para sa ehersisyo tatlo ka beses kada semana. Pilia ang ehersisyo nga nanamian mo gid.

Dumduma: Bisan matuod nga ang imo genes may papel sa imo kapagros, may daku nga epekto sa imo panglawas ang imo paagi sa pagkabuhi. Gani, kon magsiling ka, “Dapat ako mag-ehersisyo,” nagadepende sa imo kon bala himuon mo ini ukon indi.