Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Ano ang Himuon Ko Kon May Nalapas Ako nga Pagsulundan?

Ano ang Himuon Ko Kon May Nalapas Ako nga Pagsulundan?

Ang masunod makabulig sa imo para indi maglala ang isa ka sitwasyon.

Isugid ang matuod. Kon indi mo pag-isugid ang matuod, mahimo nga madula pa gid ang nabilin nga pagsalig sang imo ginikanan sa imo. Gani, mangin bunayag kag isugid kon ano gid ang natabo.Hulubaton 28:13.

  • Likawi nga pakamatarungon ukon pakadiutayon ang natabo.

  • Dumduma nga “ang mahinay nga sabat makapahaganhagan sang kaakig.Hulubaton 15:1, Ang Pulong sang Dios, APD.

Mangayo sing pasaylo. Ang imo paglapas mahimo magdulot sing kabalaka, kapaslawan, ukon dugang nga ulubrahon sa iban, gani ipakita ang paghinulsol. Mahimo ini magpahaganhagan sang imo silot. Pero, dapat sinsero ang imo paghinulsol.

Atubanga ang mga resulta. Ang pag-atubang sa resulta sang imo ginhimo isa ka tanda sang pagkahamtong. Ang labing maayo nga mahimo mo amo ang pagpanikasog nga matigayon liwat ang pagsalig sang imo ginikanan.—Hulubaton 20:11.

Dumduma, responsibilidad sang imo mga ginikanan nga kontrolon ang imo mga ginahimo. Amo nga may ginasiling ang Biblia nga “sogo sang imo amay” kag “kasogoan sang imo iloy.Hulubaton 6:20.

Kon gusto mo nga hatagan ka sang imo mga ginikanan sing dugang nga kahilwayan

  • Ipakita sa ila nga gusto mo sila tumanon kag pirme mo ginahimo ini

  • Tinguhai nga ang pagkamatinumanon mangin bahin sang imo pagkatawo—nga amo ang nagasugid sa imo kon sin-o ka kag kon ano ang imo panindugan.

 

 

 

Magtuon sing Dugang Pa

Sin-o Gid Bala Ako?

Apat ka paagi nga mausisa kag makilala kon sin-o ka kag kon ano ang imo mga panindugan.