Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Paano Kami Mag-intiendihanay sang Akon Manunudlo?

Paano Kami Mag-intiendihanay sang Akon Manunudlo?

Magpamensar anay!

Talupangda ang eksperiensia ni Rachel. Pirme gid mataas ang grado ni Rachel. Rachel. Pero nagbag-o ang tanan sang Grade 7 na sia. “Gusto gid ko lagbungon sang akon maestro,” siling ni Rachel. Ngaa? Kontra sang iya maestro ang iya relihion.

Ang mga manunudlo pareho sa tulungtungan nga mga bato nga makabulig sa imo nga makatabok halin sa pagkaignorante asta sa kaalam, pero dapat ikaw ang matikang

Ano ang natabo? Si Rachel nagsiling: “Kon pamatyag ko ginpanubuan niya ang akon grado kay indi niya gusto ang amon relihion, ginaistorya sia namon ni Mama. Sang ulihi, wala niya naman ako ginpabudlayan.

Kon amo man sini ang problema mo, isugid ini sa imo mga ginikanan. Handa sila nga makig-istorya sa imo manunudlo ukon indi gani sa administrasyon sang eskwelahan para masolusyunan ini.

Siempre indi tanan nga problema mahapos solbaron. Kon kaisa kinahanglan gid magbatas. (Roma 12:17, 18) “Kalain gid sang batasan sang isa ko ka maestro,” siling ni Tanya. “Pirme niya kami ginainsulto kag ginatawag nga mango. Sang una nagahibi pa ko, pero natun-an ko nga indi na lang pagsapakon ang iya ginapanghambal. Nagatuon na lang ko sing maayo sa iya klase. Gani wala na niya ako ginakontra, kag pila lang kami nga may mataas nga grado sa iya. Pagligad sang duha ka tuig, ginpahalin sia.

Ang punto: Kon matun-an mo nga batason ang mabudlay intiendihon nga manunudlo, masarangan mo man batason kon pareho sa iya ang imo mangin boss sa ulihi. (1 Pedro 2:18) Matun-an mo man nga apresyahon ang mabuot mo nga mga manunudlo.

 

Magtuon sing Dugang Pa

MAGMATA!

Paano Ko Atubangon ang mga Kabudlayan sa Eskwelahan?

Madamo ang kabangdanan sang kabudlayan sa eskwelahan. Tun-i ang lima ka pamaagi para mapahaganhagan ini.