Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Himuon Ko Para Indi Ako Pirme Magpensar Parte sa Sex?

Ano ang Himuon Ko Para Indi Ako Pirme Magpensar Parte sa Sex?

Ang puede mo himuon

Pilia sing maayo ang imo kaupdanan. Kon ang imo mga abyan kag mga klasmeyt pirme nagaistoryahanay parte sa sex kag mag-entra ka man sa ila, mabudlayan ka magkontrol sa imo ginapensar. Sa masami, may mahimo ka para malikawan ini nga pag-istoryahanay nga indi man maggua nga daw mas matarong ka kag indi ka man nila pagsuyaan.

Masugot ka bala nga ma-virusan ang imo kompyuter? Kon amo, ngaa masugot ka nga sudlan sang imoral nga mga butang ang imo pensar?

Likawi ang imoral nga kalingawan. Ang kalabanan nga kalingawan subong nagapukaw sang indi nagakaigo nga seksuwal nga balatyagon. Ano ang laygay sang Biblia? “Tinluan naton ang aton kaugalingon gikan sa tanan nga dagta sang unod kag espiritu, nga ginahimpit ang pagkabalaan nga may kahadlok sa Dios.” (2 Corinto 7:1) Gani, likawi ang mga kalingawan nga nagapukaw sang handum nga mag-sex.

Dumduma: Indi malain ang seksuwal nga balatyagon. Kay man, gintuga sang Dios ang lalaki kag babayi para sa isa kag isa amo nga natural lang nga magluyagay sila, kag gintuyo niya ang pag-sex para sa mga mag-asawa. Gani, kon may mga tion nga makusog ang imo seksuwal nga balatyagon, indi buot silingon nga malain ka na gid ukon indi mo masarangan mangin matinlo sa moral.

Ang punto: Mapili mo kon ano ang imo pensaron. Sa imo hunahuna kag paggawi, mahimo ka mangin matinlo sa moral kon gustuhon mo!