Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Ano ang Himuon Ko Para Indi Ko Magtambok?

Ano ang Himuon Ko Para Indi Ko Magtambok?

Ang Biblia nagalaygay nga kinahanglan kita mangin “haganhagan sa mga batasan.” (1 Timoteo 3:2) Nalakip sa sini ang imo batasan sa pagkaon. Gani, tilawi ang masunod.

Pamatyagi ang imo tiyan. Sang una, ginaisip ko gid ang kalori sang pagkaon,” siling sang 19 anyos nga si Julia, “pero subong basta busog na ako, nagauntat na ‘ko kaon.

Likawi ang mga junk food. Sang wala na ko nag-inom sing softdrinks,” siling sang 21 anyos nga si Peter, “nagmag-an ako sing lima ka kilo sa sulod lang sang isa ka bulan!

Bag-uha ang indi maayo nga mga batasan sa pagkaon. Ginatinguhaan ko nga indi na magpadugang kon nagakaon ako,” siling sang 19 anyos nga si Erin.

Sekreto Para Magmadinalag-on: Indi magpalipas sang gutom! Kon gutomgutom ka, mahimo nga damuon mo gid ang imo kaon.

Siempre, ang iban nga nagasiling nga “Kinahanglan ko magpaniwang” nalainan lang sa ila hitsura, bisan pa ang matuod indi man sila amo gid sina katambok. Pero, ano ang himuon mo kon kinahanglan mo gid man magpaniwang? Amo ini ang nakabulig kay Catherine.

“Sobra ako katambok, kag indi ko gid ini gusto. Nalainan ako sa akon hitsura kag pamatyag!

“Kon kaisa, nagadieta ako para magniwang, pero nagatambok man gihapon ako. Gani sang 15 anyos ako, naghimo ako sing pagbag-o. Gusto ko magpaniwang sa husto nga paagi para indi na ako magtambok liwat.

“Nagbakal ako sing libro parte sa pagkaon kag mga pamaagi sa pag-ehersisyo, kag ginsunod ko ini. Determinado ako nga padayunon ini bisan pa may panahon nga indi ko ini masunod.

“Epektibo gid ini! Sa sulod lamang sang isa ka tuig, 27 kilos ang nabuhin sa akon bug-at. Sa sulod sang duha ka tuig, wala na ako magtambok liwat. Daw indi ako makapati!

“Sa banta ko, nahimo ko ini indi lamang paagi sa pagdieta, kundi paagi sa paghimo sing mga pagbag-o sa akon kabuhi.”—Catherine, 18.

 

 

Magtuon sing Dugang Pa

Kon Paano Masolbar ang Sobra nga Katambukon sang Kabataan

Basaha kon paano ginbag-o sang isa ka pamatan-on ang iya batasan sa pagkaon.