Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Himuon Ko Kon Ginapilit Ako nga Mag-sex?

Ano ang Himuon Ko Kon Ginapilit Ako nga Mag-sex?

“Ano abi kon mapasugot na lang ako?” mahimo isiling mo. “Total, indi bala ang tanan naga-sex man?”

Magpamensar anay!

Ang matuod: Indi tanan nagahimo sini.

Mahimo may nabasa ka nga mga report nga madamo ang naga-sex. Halimbawa, ginpakita sang isa ka pagtuon sa U.S. nga 2 sa 3 ka pamatan-on sa sina nga pungsod ang pirme naga-sex. Pero ginapakita man sini nga 1 sa 3, buot silingon madamo man, ang wala nagahimo sini.

Ano ang natabo sa mga naghimo sini? Nakita sang mga researcher nga nabatyagan sining mga pamatan-on ang masakit nga kamatuoran.

Ginakonsiensia. Ang kalabanan nga pamatan-on nga nag-sex nga wala makasal nagsiling nga naghinulsol gid sila.

Pareho lang nga ginhimo mo nga trapo ang painting kon mag-sex ka nga wala pa makasal

Nadulaan sing pagsalig. Pagkatapos sang ila ginhimo, nagapamensar na sila nga duha, ‘Sin-o pa gid ayhan ang nakatilaw sa iya?’

Kapaslawan. Ang matuod, gusto sang babayi nga proteksionan sia, indi paggamiton lang. Kag madamo nga lalaki ang nagsiling nga nagakadulaan sila sing interes sa mga babayi nga natandog na nila.

Ang punto: Ang imo lawas tuman gid ka malahalon para pasapayanan lang. Ipakita nga ginasunod mo gid ang sugo sang Dios nga maglikaw sa pagpakighilawas. Dayon kon makapangasawa ka na ukon makapamana sa ulihi, puede ka na maka-sex. Kag mangin bug-os ang imo kalipay bangod indi mo mabatyagan ang kabalaka kag paghinulsol nga sa masami amo ang ginabatyag sang mga nag-sex nga wala makasal.—Hulubaton 7:22, 23; 1 Corinto 7:3.