Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Dapat Bala Kami Mag-break? (Bahin 2)

Dapat Bala Kami Mag-break? (Bahin 2)

Una, magpili sing nagakaigo nga lugar kag oras. Paano?

Kon sa imo ini matabo, paano mo gusto bulagan? (Mateo 7:12) Gusto mo bala nga mawaragwag ini sa iban? Siempre, indi.

Luwas lang kon indi pag-itugot sang sitwasyon, indi maayo nga mag-break paagi sa telepono, text, ukon e-mail. Sa baylo, magpili sing oras kag lugar para maistoryahan ninyo ining serioso nga butang.

Ano ang dapat mo isiling? Ginapalig-on ni apostol Pablo ang mga Cristiano nga “maghambal sang kamatuoran” sa isa kag isa.Efeso 4:25.

Gani, mangin mainayuhon pero malig-on. Ihambal sing maathag kon ngaa sa banta mo dapat ninyo tapuson ang inyo relasyon.

Indi kinahanglan nga isaisahon mo ang tanan nga nalainan mo sa iya. Sa baylo nga magsiling, “Wala ka gid . . .” ukon “Wala mo gid . . .” mas maayo nga parte sa imo nabatyagan ang ihambal mo—“Kinahanglan ko ang tawo nga . . .” ukon “Sa banta ko, dapat na kita mag-break bangod . . .”

Indi dapat magbag-obag-o ang imo pensar, ukon magpadala ka sa iya gusto. Dumduma nga nagdesisyon ka nga mag-break bangod sa serioso nga rason. Maghalong nga basi ideyahan niya nga mapabag-o ang imo pensar. “Sang nag-break kami,” siling sang pamatan-on nga si Lori, “ang akon ex-boyfriend daw ginasubuan na lang pirme. Siguro ginhimo niya ini para maluoy ako sa iya. Daw naluoy man ako. Pero wala ako nagpadala sa iya.” Pareho ni Lori, siguraduha kon ano gid ang imo gusto. Tindugi ang imo desisyon. Dapat ang imo indi, magakahulugan nga indi.Santiago 5:12.

Pagkatapos Kamo Mag-break.

Indi ka matingala kon daw malalain ka gid pagkatapos kamo mag-break. Mahimo mabatyagan mo ang ginsiling sang salmista: “Nagabarikutot ako sa puwerte nga kasakit, kag nagapangasubo ako sa bilog nga adlaw.”Salmo 38:6, Ang Pulong sang Dios.

Mahimo hambalan ka sang iban mo nga abyan nga hatagan sing isa pa ka kahigayunan ang inyo relasyon. Ayhan maayo man ang ila intension. Pero, maghalong! Ikaw, indi ang imo mga abyan, ang maantos sini sa ulihi. Gani, indi mahadlok nga tindugan ang imo desisyon—bisan pa masakit ini.

Saligi nga sa ulihi, madula man lang ang kasakit nga imo ginabatyag. Samtang wala pa ini, tilawi ang masunod nga positibo nga paagi para maatubang ang sitwasyon:

 

 

Magtuon sing Dugang Pa

Ano ang Ginapaabot Ko sa Pag-asawahay?—Bahin 1

Ano nga mga kaayuhan kag kabudlayan ang mapaabot mo sa pag-asawahay?

Ano ang Ginapaabot Ko sa Pag-asawahay?—Bahin 2

Tun-i kon paano mo mahandaan ang mga butang nga wala ginapaabot sa pag-asawahay.