Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Dapat Bala Kami Mag-break?—Bahin 1

Dapat Bala Kami Mag-break?—Bahin 1

Kon kaisa, ang pag-break pagpakamaayo pa. Binagbinaga ang eksperiensia ni Jill. “Sang primero, kanami lang kay pirme ako ginapamangkot sang akon boyfriend kon diin ako, kon nagaano ako, kag kon sin-o ang upod ko. Pero sang ulihi, indi na ako makaupod sa iban kundi sa iya na lang pirme. Bisan ang pamilya ko ginapangimunan niya, ilabi na si Tatay. Sang gin-brekan ko sia, pamatyag ko daw nakaginhawa na ako!”

Amo man sini ang natabo kay Sarah. Amat-amat niya nga natalupangdan nga ang iya gina-deyt nga si John, masakit maghambal, puguso, kag wala sing respeto. “Isa ka bes,” siling ni Sarah, “na-leyt sia sing tatlo ka oras! Sang ginbuksan sia ni Nanay wala niya ini ginsapak, kag nagsiling: ‘Lakat ’ta. Leyt na kita.’ Indi nga ‘Leyt ako,’ kundi ‘Leyt kita.’ Dapat tani nagpangayo sia sing pasaylo ukon nagpaathag man lang. Labaw sa tanan, dapat nga nagpakita sia sing respeto sa akon iloy!”

Siempre, kon isa lang ka bes ini natabo, indi buot silingon nga ma-break dayon kamo. (Salmo 130:3) Pero, sang nakita ni Sarah nga amo gid sini ang batasan ni John, nagdesisyon sia nga tapuson ang ila relasyon.

Ano abi kon pareho nanday Jill kag Sarah, nakita mo nga ang imo gina-deyt indi mangin maayo nga bana ukon asawa? Kon amo sina, indi magpabulagbulag! Bisan pa mabudlay, mas maayo nga mag-break na lang. Ang Hulubaton 22:3 nagasiling: “Ang mahalongon nga tawo nakakita sang malaut kag nagapanago sia.”

Matuod nga indi mahapos ang pag-break. Pero ang pag-asawahay permanente nga relasyon. Mas maayo na lang nga masakitan ka subong sing makadali, sangsa mag-antos ka sa bug-os mo nga kabuhi!

 

 

Magtuon sing Dugang Pa

Ano ang Ginapaabot Ko sa Pag-asawahay?—Bahin 1

Ano nga mga kaayuhan kag kabudlayan ang mapaabot mo sa pag-asawahay?

Ano ang Ginapaabot Ko sa Pag-asawahay?—Bahin 2

Tun-i kon paano mo mahandaan ang mga butang nga wala ginapaabot sa pag-asawahay.