Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PAMANGKOT SANG MGA PAMATAN-ON

Ano ang Himuon Ko Para Bastante ang Akon Tulog?

Ano ang Himuon Ko Para Bastante ang Akon Tulog?

Ang Biblia nagsiling: “Ang katunga nga hakop nga pahuway labi nga maayo sangsa isa ka hakop nga pagpangabudlay kag paglagas sa hangin.” (Eclesiastes 4:6, Biblia sang Katilingban sang mga Kristiano) Kon kulang ang imo tulog, indi ka makaobra sing maayo!

  • “Kon kulang ang akon tulog, indi ko ka obra. Indi ako makakonsentrar!”—Rachel, 19.

  • “Kon mag-alas dos na gani sa hapon, kapoy na gid ako kag daw matulugan bisan pa may ginaistorya ako!”—Kristine, 19.

Kulang ka bala sa tulog? Ari ang ginsiling sang pila ka pamatan-on kon ano ang nakabulig sa ila.

Indi magpulaw. Ginatinguhaan ko gid nga magtulog sa husto nga oras,” siling sang 18 anyos nga si Catherine.

Untati ang pag-istoryahanay kon gab-i na. Kon kaisa bisan gab-i na, ginatawgan ako gihapon kag ginateksan sang akon mga abyan,” siling sang 21 anyos nga si Richard, “pero subong ginabalibaran ko na sila kag nagatulog ako sing temprano.

Maghimo sing iskedyul. Sining karon lang,” siling sang 20 anyos nga si Jennifer, “naga-set ako sing oras kon san-o ako matulog ukon mabugtaw.

Sekreto Para Magmadinalag-on: Tinguhai nga makatulog sing walo asta napulo ka oras kada gab-i.

Madamo gid sing benepisyo kon himuon mo ang pila ka simple nga paagi para mangin bastante ang imo tulog. Dumduma, kon mapagros ka maayo ang imo hitsura, maayo ang imo pamatyag, kag madamo ka sing mahimo.

Indi pareho sang iban nga butang, may mahimo ka kon parte sa imo kapagros. Ang 19 anyos nga si Erin nagsiling, “Ang imo kapagros nagadepende lang sa isa ka tawoikaw mismo.