Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Natalana Na Bala Kon San-o Kita Mapatay?

Natalana Na Bala Kon San-o Kita Mapatay?

Ang sabat sang Biblia

Wala natalana ang tion sang aton kamatayon. Imbes nga sakdagon ang pagpati sa kapalaran, ang Biblia nagsiling nga ang kamatayon masami bangod sang “wala ginapaabot nga hitabo.”Manugwali 9:11, NW.

Indi bala ang Biblia nagsiling nga may yara ‘tion sa pagkapatay’?

Huo, ang Manugwali 3:2 nagsiling nga “may tion sa pagkatawo kag may tion man sa pagkapatay, may tion sa pagtanom kag may tion man sa pag-ani.” (Ang Pulong sang Dios, APD) Pero, ang mga bersikulo sa palibot sini nagasugid lamang sa aton sang mapinadayunon nga siklo nga kinaandan na sa kabuhi. (Manugwali 3:1-8) Ang Dios wala nagapahamtang sang tion kon san-o kita mapatay pareho nga wala niya ginapilit ang mangunguma nga magtanom sa partikular nga tion. Ang punto amo nga likawan naton nga mangin masako sa ordinaryo nga mga butang kag malimtan ang aton Manunuga.Manugwali 3:11; 12:1, 13

Ang kabuhi mahimo maglawig

Bisan indi mapat-od ang mga hitabo, mahimo gihapon kita magkabuhi sing malawig kon maghimo kita sang maalamon nga desisyon. Ang Biblia nagsiling: “Ang kasogoan sang maalam amo ang tuburan sang kabuhi, agud nga ang isa makapalagyo sa mga siod sang kamatayon.” (Hulubaton 13:14) Sa amo man nga paagi, si Moises naghambal sa mga Israelinhon nga, “magakabuhi [sila] sing malawig” kon tumanon nila ang sugo sang Dios. (Deuteronomio 6:2, APD) Sa pihak nga bahin, kon maghimo kita sing malain kag binuang nga mga buhat mangin malip-ot ang aton kabuhi.Manugwali 7:17.

Bisan ano man kita ka maalam ukon mahalungon, indi gid naton mapalagyuhan ang kamatayon. (Roma 5:12) Pero ini nga kahimtangan magabag-o, kay ang Biblia nagsaad sang tion nga “wala na sing kamatayon.”Bugna 21:4.

Magtuon sing Dugang Pa

Ano ang Paglaum sang mga Patay?

Ano ang nagakatabo kon mapatay ang tawo? Makita pa bala naton liwat ang aton napatay nga mga hinigugma?

Ano ang Kahulugan sang Kabuhi?

Napamangkot mo na bala, ‘Ano ang katuyuan sang kabuhi?’ Hibalua kon paano ginasabat sang Biblia ini nga pamangkot.