Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Sala Bala ang Pagsugal?

Sala Bala ang Pagsugal?

Ang sabat sang Biblia

Indi detalyado nga ginsambit sa Biblia ang parte sa pagsugal. Pero, base sa mga prinsipio sang Biblia, maintiendihan naton nga para sa Dios sala ang pagsugal.Efeso 5:17. *

  • Ang pagsugal ginahimo bangod sang kakagod, nga ginakaugtan sang Dios. (1 Corinto 6:9, 10; Efeso 5:3, 5) Ang mga nagasugal nagahandum nga magdaug sing kuarta paagi sa kapierdihan sang iban, pero ginapakamalaut sang Biblia ang paghamkon ukon paghandum sang pagkabutang sang iban.Exodo 20:17; Roma 7:7; 13:9, 10.

  • Ang pagsugal bisan sa diutay lang nga kantidad, mahimo sugdan sang makahalit nga gugma sa kuarta.1 Timoteo 6:9, 10.

  • Ang mga sugarol pirme nagasalig sa disparatis ukon suerte. Pero, ginakabig sang Dios ini nga mga pagpati subong porma sang idolatriya, nga indi suno sa pagsimba nga ginapatuman niya.Isaias 65:11.

  • Sa baylo nga suportahan ang handum nga makuha ang isa ka butang nga wala ginpangabudlayan, ginatudlo sang Biblia ang kapisan. (Manugwali 2:24; Efeso 4:28) Ang nagatuman sa laygay sang Biblia ‘makakaon sang ila mismo pinangabudlayan.’2 Tesalonica 3:10, 12.

  • Ang pagsugal makapukaw sang indi maayo nga espiritu sang pagpaindis-indis, nga ginapakamalaut sang Biblia.Galacia 5:26.

^ par. 3 Ang pagsugal mabasa lamang sa Biblia sa rekord parte sa Romano nga mga soldado nga nagpagabutgabot, ukon “nagsugal” para sa bayo ni Jesus.Mateo 27:35; Juan 19:23, 24; Contemporary English Version; Good News Translation.

Magtuon sing Dugang Pa

Paano Mo Makontrol ang Paggasto?

Binagbinaga ang anom ka panugda nga makabulig sa imo nga makontrol ang paggasto.

Paano ang mga Prinsipio sa Biblia Makabulig sa Aton?

Ginpaathag ni Jesus kon ngaa kinahanglan naton ang panuytoy kag kon ano ang duha ka panguna kag pinakaimportante nga prinsipio sa Biblia.