Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

May Ara Bala “Pito ka Makamamatay nga Sala”?

May Ara Bala “Pito ka Makamamatay nga Sala”?

Ang sabat sang Biblia

Wala sing mabasa sa Biblia nga isa ka grupo sang “pito ka makamamatay nga sala.” Pero ginatudlo sini nga ang isa indi maluwas kon nagahimo sia sing mabug-at nga mga sala. Halimbawa, ang Biblia nagsiling nga ang mabug-at nga mga sala pareho sang seksuwal nga imoralidad, pagsimba sa mga diosdios, espiritismo, pagsilabo sang kaakig, kag pagpahubog “mga buhat sang unod.” Dayon nagsiling ini: “Ang mga nagahimo sini indi makapanubli sang Ginharian sang Dios.”Galacia 5:19-21. *

Indi bala may mabasa man sa Biblia nga lista sang ‘pito ka butang nga kangil-aran sa Ginoo’?

Huo. Suno sa Ang Biblia, ang Hulubaton 6:16 nagsiling: “May anum ka butang nga ginadumtan ang GINOO, pito nga kangil-aran sa iya.” Pero, ang mga sala nga ginsambit sa masunod nga mga bersikulo sa Hulubaton 6:17-19 wala nagapakita nga amo lang ini tanan. Kundi, ginapakita lang sini ang mga kategoriya nga nagarepresentar sang tanan nga klase sang sala, pati na sa ginapamensar, ginahambal, kag ginahimo. *

Ano ang buot silingon sang ekspresyon nga “makamamatay nga sala”?

Sa iban nga bersion sang Biblia mabasa ang kaanggid sini sa 1 Juan 5:16. Halimbawa ang Maayong Balita nga Biblia nagsiling: “May sala nga ikamatay.” Gani ang ekspresyon nga “makamamatay nga sala” ukon “sala nga ikamatay” mahimo man i-translate nga “sala nga nagadul-ong sa kamatayon.” Ano ang kinalain sang “sala nga nagadul-ong sa kamatayon” sa “sala nga wala nagadul-ong sa kamatayon”?1 Juan 5:16.

Maathag nga ginapakita sang Biblia nga ang tanan nga sala nagadul-ong sa kamatayon. Pero puede kita maluwas sa sala kag kamatayon paagi sa halad nga gawad ni Jesucristo. (Roma 5:12; 6:23) Gani ang “sala nga nagadul-ong sa kamatayon” amo ang sala nga indi matabunan sang gawad sang Cristo. Ang tawo nga nagahimo sini nga klase sang sala wala gid sing plano nga magbag-o. Ang Biblia nagsiling man nga ini nga sala “indi mapatawad.”Mateo 12:31; Lucas 12:10.

^ par. 3 Sa Galacia 5:19-21, ginlista ang 15 ka mabug-at nga sala. Pero indi buot silingon nga amo na ini tanan, kay ang Biblia nagsugpon “kag ang iban pa nga mga butang nga kaangay sini.” Gani ginapalig-on ang nagabasa nga magpamensar kon ano pa nga mga butang nga wala sa sini nga listahan ang nalakip sa “kaangay sini.”

^ par. 5 Sa Hulubaton 6:16 may isa ka halimbawa sang Hebreo nga ekspresyon nga nagapadaku sang ikaduha nga numero paagi sa pagpaanggid sini sa una. Ini nga ekspresyon pirme mabasa sa Kasulatan.Job 5:19; Hulubaton 30:15, 18, 21.

Magtuon sing Dugang Pa

SABAT SA MGA PAMANGKOT SA BIBLIA

Buligan Bala Ako sang Dios Kon Magpangamuyo Ako?

Nagaulikid gid bala ang Dios sa aton mga problema?

ANG LALANTAWAN

Mapahamut-an Gid Bala Naton ang Dios?

Ang sabat makita sa kabuhi nanday Job, Lot, kag David, tanan sila nakahimo sing mabug-at nga sala.

SI JESUS—ANG DALAN, ANG KAMATUORAN, ANG KABUHI

“Ginpatawad Na ang Imo mga Sala”

Ano ang kaangtanan sang sala sa balatian suno kay Jesus?