Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

Paano Maintiendihan ang Biblia?

Paano Maintiendihan ang Biblia?

Ang sabat sang Biblia

Ang Biblia mismo may ginahatag nga mga paagi para maintiendihan mo ini. Bisan ano man ang imo gindak-an, ang mensahe sang Dios nga ara sa Biblia “indi tama kabudlay sa imo, ukon malayo.”—Deuteronomio 30:11.

Mga paagi para maintiendihan ang Biblia

  1. Dapat husto ang imo panimuot. Batuna ang Biblia subong Pulong sang Dios. Mangin mapainubuson, bangod ginapamatukan sang Dios ang matinaastaason. (1 Tesalonica 2:13; Santiago 4:6) Pero indi magpati dayon bisan wala sing basihan. Gusto sang Dios nga gamiton mo ang imo “ikasarang sa pagpangatarungan.”—Roma 12:1, 2.

  2. Magpangamuyo sing kaalam. Dili magsandig sa imo kaugalingon nga paghangup,” siling sang Biblia sa Hulubaton 3:5. Sa baylo, ‘padayon nga magpangayo sa Dios’ sing kaalam para maintiendihan mo ang Biblia.—Santiago 1:5.

  3. Mangin regular. Mas daku ang imo mabenepisyo kon regular mo nga ginatun-an ang Biblia.—Josue 1:8.

  4. Magtuon suno sa topiko. Ang isa ka epektibo nga paagi para maintiendihan mo ang ginatudlo sang Biblia amo ang pagtuon sa sini sing topiko por topiko. Magsugod sa “nahauna nga mga pagpanudlo” kag ‘magpadayon sa madalom nga mga pagpanudlo.’ (Hebreo 6:1, 2, Ang Pulong sang Dios, APD) Makita mo nga makumparar mo gali ang isa ka bersikulo sa iban nga bersikulo kag matun-an mo nga ginapaathag sang isa ka bahin sang Biblia ang iban nga bahin sini, bisan ang mga bahin nga “mabudlay hangpon.”—2 Pedro 3:16.

  5. Magpabulig. Ang Biblia nagalaygay nga dapat kita magpabulig sa iban nga nakaintiende sang Biblia. (Binuhatan 8:30, 31) Ang mga Saksi ni Jehova nagatanyag sing libre nga pagtuon sa Biblia. Pareho sa mga Cristiano sadto, ginagamit man nila ang mga bersikulo mismo sa Kasulatan para buligan ang iban nga mahibaluan kon ano gid ang ginatudlo sang Biblia.—Binuhatan 17:2, 3.

Ang indi kinahanglan

  1. Mataas nga edukasyon ukon alam-alam gid. Naintiendihan sang 12 ka apostoles ni Jesus ang Kasulatan kag gintudlo nila ini sa iban, bisan pa ginakabig ang mga apostoles nga “wala sing tinun-an kag kinaandan lamang.”—Binuhatan 4:13.

  2. Kuarta. Wala sing bayad ang pagtuon sa Biblia. Ginsilingan ni Jesus ang iya mga disipulo: “Nagbaton kamo nga wala sing bayad, ihatag ninyo nga wala sing bayad.”—Mateo 10:8.

 

 

Magtuon sing Dugang Pa

PROGRAMA SA PAGTUON SA BIBLIA

Ngaa Dapat Tun-an ang Biblia?

Minilyon karon sa bilog nga kalibutan ang nakakita sang sabat sa importante nga mga pamangkot sa kabuhi sa bulig sang Biblia. Gusto mo man bala?

Ano Gid ang Ginatudlo sang Biblia?

Ang Biblia—Libro Halin sa Dios

Paano makabulig sa imo ang Biblia nga maatubang ang imo mga problema? Ngaa makasalig ka sa mga tagna sini?

ANG LALANTAWAN

Bulig Agod Mahangpan ang Biblia

Kon ang Biblia ginsulat agod mahangpan, nga kinahanglan mo ang bulig agod mahangpan ini?