Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

May Ngalan Bala ang Dios?

May Ngalan Bala ang Dios?

Ang sabat sang Biblia

Ang tanan nga tawo may personal nga ngalan. Gani, indi bala nga dapat may ngalan man ang Dios? Kon gusto naton nga mangin abyan ang isa ka tawo, dapat nakilala kag ginagamit naton ang iya ngalan. Indi bala nga dapat amo man sina kon parte sa aton pagpakig-abyan sa Dios?

Ang Dios madamo sing titulo sa Biblia, subong sang “Dios nga Makaako,” “Soberanong Ginuo,” kag “Manunuga.” Pero, ginapangabay niya gihapon ang iya mga sumilimba nga tawgon sia sa iya personal nga ngalan. (Genesis 17:1; Binuhatan 4:24; 1 Pedro 4:19) Ano ang iya ngalan? Isa ka bes, sang ginsambit ni Jesucristo ang isa ka bahin sang Hebreo nga Kasulatan sang Biblia, sia nagsiling: “Si Jehova nga imo Dios ang dapat mo simbahon, kag sa iya ka lamang dapat maghimo sang sagrado nga pag-alagad.” (Mateo 4:10)

Madamo nga iskolar ang nagagamit sang “Yahweh.” (Tan-awa ang footnote sa Genesis 2:4 kag Exodo 6:3 sa Maayong Balita nga Biblia nga ginbalhag sang Philippine Bible Society). Pero, mas madamo nga lenguahe sa kalibutan ang nagagamit sang “Jehova.”

Ang una nga bahin sang Biblia wala ginsulat sa Hiligaynon kundi sa Hebreo, ang lenguahe nga ginabasa halin sa tuo pa wala. Sa sini nga lenguahe, ang ngalan sang Dios mabasa subong apat ka consonant nga יהוה. Ining apat ka Hebreo nga letra nga ginbadbad nga YHWH—ginatawag nga Tetragrammaton.

Magtuon sing Dugang Pa

May Ngalan Bala ang Dios?

Ang Dios may madamo nga titulo, lakip ang Labing Gamhanan, Manunuga, kag Ginuo. Pero ang personal nga ngalan sang Dios gingamit sing mga 7,000 ka beses sa Biblia.

Dapat Bala Ibutang sa Bag-ong Katipan ang Ngalan ni Jehova?

Ano ang ginapakita sang pinakadaan nga mga manuskrito?

Ano ang Buot Silingon sa Pagkilala sa Ngalan sang Dios?

Hibalua kon ano ang ngalan sang Dios, ang kahulugan sini, kag kon ano ang ginatudlo sini parte sa iya personalidad.