Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Nagapati Bala ang mga Iskolar nga Nagluntad si Jesus?

Nagapati Bala ang mga Iskolar nga Nagluntad si Jesus?

Mabakod ang basehan sang mga iskolar sa pagpati nga nagluntad gid si Jesus. Parte sa mga komento sang una kag ikaduhang siglo nga mga historian parte kay Jesus kag sa mga Cristiano sang una, ang Encyclopædia Britannica, 2002 nga Edisyon, nagsiling: “Ining magkatuhay nga mga report nagapamatuod nga sang una bisan ang mga nagapamatok sa Cristianismo wala gid nagduhaduha nga nagluntad si Jesus.” Suno pa sa sini nga reperensia, ginbaisan lamang ini sang katapusan nga bahin sang ika-18 nga siglo asta sang una nga bahin sang ika-20 nga siglo.

Sang 2006, ang libro nga Jesus and Archeology nagsiling: “Wala ginaduhaduhaan sang kilala nga mga iskolar subong kon bala may nagluntad gid man nga Judiyo nga nagahingalan Jesus nga anak ni Jose; madamo sa ila ang nagabaton nga bastante na ang aton impormasyon parte sa iya binuhatan kag panudlo.

Ginalaragway sang Biblia si Jesus subong isa ka matuod nga tawo. Ginsambit sini ang mga ngalan sang iya katigulangan kag kaparyentehan. (Mateo 1:1; 13:55) Ginsambit man sini kon sin-o ang kilala nga mga gumalahom sang panahon ni Jesus. (Lucas 3:1, 2) Sa bulig sining mga detalye, napamatud-an sang mga researcher nga sibu gid ang rekord sang Biblia.

Magtuon sing Dugang Pa

Ngaa Masaligan Mo ang mga Ebanghelyo sang Biblia?

Binagbinaga ang mga pamatuod sang dumaan nga mga manuskrito.

Ang Roma sa Kasaysayan sang Biblia

Ano ang papel sang Roma sadto sa katumanan sang tagna sa Biblia?