Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ngaa Dapat Mangamuyo sa Ngalan ni Jesus?

Ngaa Dapat Mangamuyo sa Ngalan ni Jesus?

Ang sabat sang Biblia

Dapat kita mangamuyo sa Dios sa ngalan ni Jesus bangod amo lamang ini ang paagi nga ginabaton sang Dios. Si Jesus nagsiling: “Ako amo ang dalan kag ang kamatuoran kag ang kabuhi. Wala sing makakadto sa Amay kon indi paagi sa akon.” (Juan 14:6) Ginsilingan man ni Jesus ang iya mga apostoles: “Sa pagkamatuod nagasiling ako sa inyo, kon magpangayo kamo sa Amay sang bisan ano nga butang sa akon ngalan ihatag niya ini sa inyo.”—Juan 16:23.

Iban pa nga rason kon ngaa dapat kita mangamuyo sa ngalan ni Jesus

  • Ginapadunggan naton si Jesus kag ang iya Amay nga si Jehova nga Dios.—Filipos 2:9-11.

  • Ginapakita naton ang aton apresasyon sa kamatayon ni Jesus, nga gin-aman sang Dios para maluwas kita.—Mateo 20:28; Binuhatan 4:12.

  • Ginakilala naton ang pinasahi nga papel ni Jesus subong Manugpatunga, sa Dios kag sa mga tawo.—Hebreo 7:25.

  • Ginakilala naton si Jesus subong ang Mataas nga Saserdote nga nagabulig sa aton nga makatigayon sing maayo nga tindog sa atubangan sang Dios.—Hebreo 4:14-16.

Magtuon sing Dugang Pa

ANG LALANTAWAN

Ngaa Dapat Mangamuyo sa Ngalan ni Jesus?

Sa iya katapusan nga gab-i sa duta, ginpakita ni Jesus ang isa ka paagi sa pagpalapit sa Dios.