Ang sabat sang Biblia

Huo. Ang Biblia, nga isa ka libro sang kaalam, may sabat sa importante nga mga pamangkot parte sa kabuhi kag makabulig sa imo nga mangin malipayon kag kontento. Binagbinaga ang pila ka pamangkot nga ginasabat sini.

  1. May Manunuga bala? Suno sa Biblia, “gintuga [sang Dios] ang tanan nga butang.” (Bugna 4:11) Subong aton Manunuga, nahibaluan sang Dios kon paano magmalipayon ang aton kabuhi.

  2. Nagaulikid bala ang Dios sa akon? Nagsiling ang Biblia nga ‘ang Dios indi malayo sa tagsa sa aton.’ (Binuhatan 17:27) Interesado sia sa nagakatabo sa imo kag gusto gid niya nga magmadinalag-on ka sa imo kabuhi.—Isaias 48:17, 18; 1 Pedro 5:7.

  3. Paano makabulig sa akon ang pagkilala sa Dios? Gintuga kita sang Dios nga may “espirituwal nga kinahanglanon.” (Mateo 5:3) Gani, gusto gid naton nga maintiendihan ang kahulugan kag katuyuan sang kabuhi. Nalakip man sa sini ang handum nga makilala ang aton Manunuga kag mangin suod sa iya. Ginapabaloran sang Dios ang imo pagtinguha nga makilala sia, kay ang Biblia nagsiling: “Magpalapit kamo sa Dios, kag magapalapit sia sa inyo.”—Santiago 4:8.

Minilyon ang nakapamatuod nga ang pagpakig-abyan sa Dios nakabulig sa ila nga mangin mas maayo kag mas malipayon ang ila kabuhi. Wala ini nagakahulugan nga dulaon sang Dios ang tanan mo nga problema. Ang iya kaalam nga makita sa Biblia makabulig sa imo nga

Madamo nga relihion nga nagagamit sang Biblia ang wala nagasunod sa panudlo sini. Pero, ang matuod nga relihion, nga nagasunod sa kon ano gid ang ginasiling sang Biblia, magabulig sa imo nga makilala ang Dios.