Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Duha ka Rason Kon Ngaa Wala Ginapamatian sang Dios ang Iban nga Pangamuyo?

Ano ang Duha ka Rason Kon Ngaa Wala Ginapamatian sang Dios ang Iban nga Pangamuyo?

Ang sabat sang Biblia

May mga pangamuyo nga wala ginasabat sang Dios. Binagbinaga ang duha ka rason.

1. Ang pangamuyo wala nahisuno sa kabubut-on sang Dios

Wala ginasabat sang Dios ang mga pangamuyo nga batok sa iya kabubut-on, nga nasulat sa Biblia. (1 Juan 5:14) Halimbawa, suno sa Biblia indi kita dapat mangin makagod. Ang pagsugal nagapatubo sang kakagod. (1 Corinto 6:9, 10) Gani, kon mangamuyo ka nga magdaug sa lotto, indi ini pagsabton sang Dios. Ang Dios indi genie nga magatuman sang tanan mo nga gusto. Kag dapat mo ini pasalamatan. Kay kon amo sina ang Dios, basi kulbaan ka sa pangayuon sang iban sa iya.—Santiago 4:3.

2. Ang nagapangamuyo wala nagatuman sa Dios

Wala ginapamatian sang Dios ang mga nagasupak sa iya. Halimbawa, ginsilingan sadto sang Dios ang mga nagapangangkon nga nagatuman sa iya pero nagasupak gali: “Bisan kon maghimo kamo sing madamu nga pangamuyo, indi ako magpamati; ang inyo mga kamut puno sang dugo.” (Isaias 1:15) Pero kon magbag-o tani sila kag “husayon [nila] ini” upod sa Dios, pamatian kuntani niya ang ila pangamuyo.—Isaias 1:18.

Magtuon sing Dugang Pa

Ngaa Wala Ginasabat ang Iban nga Pangamuyo?

Subong sang isa ka mahigugmaon nga amay nalipay si Jehova nga Dios kon mangamuyo kita sa iya. Pero sabton bala niya ang tanan naton nga ginapangayo?