Ang sabat sang Biblia

Huo. Ang Dios nagaulikid sa mga alagad niya nga nagabalatian. Parte sa iya matutom nga alagad, ang Biblia nagsiling: “Sakdagon sia sang GINOO sa higdaan sang pag-antus.” (Salmo 41:3) Kon may malala ka nga balatian, ang masunod nga tatlo ka tikang makabulig sa imo nga maatubang ini:

  1. Mangamuyo nga hatagan ka sing kusog nga makabatas. Mabaton mo ang “paghidait sang Dios nga nagalabaw sa tanan nga panghunahuna,” nga makabulig sa imo nga magpadayon bisan pa may kabudlayan.Filipos 4:6, 7.

  2. Mangin positibo. Ang Biblia nagasiling: “Ang pagkamalipayon nagapaayo sang lawas, kag ang pagkamasinulub-on nagapaas-as.” (Hulobaton 17:22, Maayong Balita nga Biblia, HPV) Mangin masinadyahon kay makabulig ini sa imo nga mabatuan ang kasubo, kag makahatag ini sing kaayuhan sa panglawas.

  3. Pabakura ang imo paglaum. Ang mabakod nga paglaum makahatag sing kalipay bisan pa may malala ka nga balatian. (Roma 12:12) Ang Biblia nagtagna parte sa tion nga “ang pumuluyo indi magsiling, ‘Nagamasakit ako.’” (Isaias 33:24) Kon mag-abot na ina, ayuhon sang Dios ang tanan nga balatian nga indi mabulong subong sang siensia. Halimbawa, ang Biblia may ginsiling parte sa mga tigulang: “Magabataon sia kag magabakod liwat.Job 33:25, HPV.

Talupangda: Bisan pa ginakilala nila ang bulig nga halin sa Dios, ang mga Saksi ni Jehova nagapadoktor man kon may malala sila nga balatian. (Marcos 2:17) Pero wala kami nagarekomendar sang bisan ano nga sahi sang pagpabulong, kay personal ini nga desisyon.