Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Nagakatabo Kon Mapatay Ka?

Ano ang Nagakatabo Kon Mapatay Ka?

Ang sabat sang Biblia

Ang Biblia nagasiling: “Ang buhi nakahibalo nga mapatay sila, apang ang patay wala makahibalo sang bisan ano.” (Manugwali 9:5; Salmo 146:4) Gani, kon mapatay kita, wala na kita nagaluntad. Ang patay indi na makahunahuna, makabatyag, ukon makahimo sing bisan ano.

“Sa yab-ok magabalik ka”

Ginpaathag sang Dios ang nagakatabo sa aton kon mapatay kita sang nakighambal sia sa una nga tawo nga si Adan. Bangod wala nagtuman si Adan, ginsilingan sia sang Dios: “Yab-ok ka, kag sa yab-ok magabalik ka.” (Genesis 3:19) Antes gintuga sang Dios si Adan “gikan sa yab-ok sang duta,” wala sia nagaluntad. (Genesis 2:7) Sing kaanggid, sang mapatay si Adan, nagbalik sia sa yab-ok kag wala na nagluntad.

Amo man sini ang nagakatabo sa mga nagakapatay subong. Parte sa mga tawo kag mga sapat, ang Biblia nagasiling: “Ang tanan gikan sa yab-ok, kag ang tanan nagabalik sa yab-ok.”Manugwali 3:19, 20.

Ang kamatayon indi ang katapusan sang tanan

Ginakomparar pirme sang Biblia ang kamatayon sa pagtulog. (Salmo 13:3; Juan 11:11-14; Binuhatan 7:60) Ang tawo nga mahamuok nga nagatulog wala nakahibalo sang nagakatabo sa iya palibot. Sing kaanggid, ang patay wala sing nahibaluan. Pero, ang Biblia nagatudlo nga mabanhaw sang Dios ang mga patay pareho sang pagpukaw sa nagakatulog kag hatagan sila liwat sing kabuhi. (Job 14:13-15) Para sa mga banhawon sang Dios, ang kamatayon indi ang katapusan sang tanan.

 

 

Magtuon sing Dugang Pa

Ano ang Paglaum sang mga Patay?

Ano ang nagakatabo kon mapatay ang tawo? Makita pa bala naton liwat ang aton napatay nga mga hinigugma?

Diin ang mga Patay?

Hibalua ang ginatudlo sang Biblia kon diin ang mga patay kag kon ngaa nagakapatay ang mga tawo.