Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ano ang Kahulugan sang Kabuhi?

Ano ang Kahulugan sang Kabuhi?

Ang sabat sang Biblia

Madamo ang pamangkot parte sa kahulugan sang kabuhi, pareho sang Ngaa ari kita diri? ukon May katuyuan bala ang akon kabuhi? Ginapakita sang Biblia nga ang katuyuan sang aton kabuhi amo ang pagpakig-abyan sa Dios. Binagbinaga ang panguna nga mga kamatuoran nga ginasiling sang Biblia.

  • Ang Dios amo ang aton Manunuga. Ang Biblia nagasiling: “[Ang Dios] ang naghimo sa aton, kag iya kita.”Salmo 100:3; Bugna 4:11.

  • Ang Dios may katuyuan para sa tanan niya nga gintuga, lakip kita.Isaias 45:18.

  • Gintuga kita sang Dios nga may “espirituwal nga kinahanglanon,” nga nagalakip sang handum nga mahibaluan ang kahulugan sang kabuhi. (Mateo 5:3) Gusto niya nga matuman naton ini nga handum.Salmo 145:16.

  • Matigayon naton ang aton espirituwal nga kinahanglanon paagi sa pagpakig-abyan sa Dios. Bisan pa nga daw imposible ini para sa iban, ang Biblia nagapalig-on sa aton: “Magpalapit kamo sa Dios, kag magapalapit sia sa inyo.”Santiago 4:8; 2:23.

  • Para mangin abyan sang Dios, dapat naton tumanon ang iya katuyuan para sa aton. Ginasugid sang Biblia ini nga katuyuan sa Manugwali 12:13: “Magkahadlok sa Dios, kag tumana ang iya mga sugo, kay amo ini ang bug-os nga katungdanan sang tawo.”Maayong Balita nga Biblia.

  • Sa palaabuton, maeksperiensiahan naton sing bug-os ang orihinal nga katuyuan sang Dios para sa aton kon dulaon na niya ang pag-antos kag hatagan sing kabuhi nga walay katapusan ang iya mga abyan, ang mga nagasimba sa iya.Salmo 37:10, 11.