Magdiretso sa kaundan

Kahadlok sa Kamatayon​—Paano Mo Ini Maatubang?

Kahadlok sa Kamatayon​—Paano Mo Ini Maatubang?

Ang sabat sang Biblia

Nagakaigo lang nga ginakahadlukan naton ang kamatayon subong kaaway gani ginahalungan gid naton ang aton kabuhi. (1 Corinto 15:26) Pero, ang sayop nga kahadlok sa kamatayon bangod sa sala nga pagpati ukon disparatis nangin rason nga ang mga tawo “napasakop sa pagkaulipon sa bug-os nila nga kabuhi.” (Hebreo 2:​15) Kon mahibaluan mo ang kamatuoran mahilway ka sa sobra nga kahadlok sa kamatayon, ang kahadlok nga makadula sang imo kalipay.​—Juan 8:​32.

Ang kamatuoran parte sa kamatayon

  • Ang patay wala gid sing hinalung-ong. (Salmo 146:4) Indi ka dapat mahadlok nga masakitan ukon magaantos kon mapatay ka, kay ginpaanggid sang Biblia ang kamatayon sa pagtulog.​—Salmo 13:3; Juan 11:11-​14.

  • Ang mga patay indi na makahalit sa aton. Bisan ang mga magkaaway sadto wala na sing mahimo kay “mga patay” na sila. (Hulubaton 21:16) Suno sa Biblia “ang ila dumut kag ang ila kahisa nawala sing dugay na.”​—Manugwali 9:6.

  • Ang kamatayon indi ang katapusan sang aton pagluntad. Sa pagkabanhaw, buhion liwat sang Dios ang mga tawo nga napatay.​—Juan 5:​28, 29; Binuhatan 24:15.

  • Nagpromisa ang Dios sang tion nga “wala na sing kamatayon.” (Bugna 21:4) Parte sa sina nga tion, ang Biblia nagsiling: “Ang mga matarung magapanubli sang duta, kag magapuyo dira sa gihapon,” kag indi na gid mahadlok nga mapatay.​—Salmo 37:29.