Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ngaa Gintawag si Jesus nga Anak sang Dios?

Ngaa Gintawag si Jesus nga Anak sang Dios?

Ang sabat sang Biblia

Wala sing literal nga asawa ang Dios nga makaagom sia sing kabataan. Pero sia ang Manunuga sang tanan nga buhi nga butang. (Bugna 4:11) Gani, ang gintuga sang Dios nga una nga tawo nga si Adan, gintawag nga “anak sang Dios.” (Lucas 3:38) Ginatudlo man sang Biblia nga si Jesus gintuga sang Dios. Amo nga si Jesus gintawag man nga “Anak sang Dios.”—Juan 1:49.

Gintuga sang Dios si Jesus antes niya gintuga si Adan. Si Pablo nagsulat parte kay Jesus: “Sia ang larawan sang di-makita nga Dios, ang panganay sa tanan nga tinuga.” (Colosas 1:15) Madugay na nga nagkabuhi si Jesus antes pa sia natawo sa pasungan sa Betlehem. Ang matuod, nagsiling ang Biblia nga “ang iya mga gingikanan kutub pa sa dumaan, sa wala sing katapusan.” (Miqueas 5:2) Subong panganay nga Anak sang Dios, si Jesus isa ka espiritu nga tinuga sa langit antes sia nangin tawo sa duta. Si Jesus mismo nagsiling: “Nagpanaug ako gikan sa langit.”—Juan 6:38; 8:23.

 

Magtuon sing Dugang Pa

Si Jesus—Diin Sia Naghalin?

Hibalua kon diin natawo si Jesus, kon diin sia ginpadaku, kag kon diin gid sia naghalin.

Ngaa Ginpadala sang Dios si Jesus sa Duta?

Hibalua kon ngaa nagkadto sa duta si Jesus kag kon paano kita makabenepisyo subong.