Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ang Ginharian sang Dios Ara Bala sa Imo Tagipusuon?

Ang Ginharian sang Dios Ara Bala sa Imo Tagipusuon?

Ang sabat sang Biblia

Wala. Ang Ginharian sang Dios wala sa tagipusuon sang mga Cristiano. * Ginasugid sang Biblia ang husto nga lugar sang Ginharian paagi sa pagtawag sini nga “ginharian sang langit.” (Mateo 4:17, Ang Biblia) Binagbinaga kon paano ginapakita sang Biblia nga isa ini ka matuod nga gobierno nga nagagahom sa langit.

  • Ang Ginharian sang Dios may mga manuggahom, sakop, kasuguan, kag mando para tumanon ang kabubut-on sang Dios sa langit kag sa duta.Mateo 6:10; Bugna 5:10.

  • Ang gobierno ukon Ginharian sang Dios magagahom sa “mga katawohan, mga pungsud, kag mga hambal” sa duta. (Daniel 7:13, 14) Ang awtoridad sang paggahom sini wala naghalin sa mga sakop, kundi sa Dios mismo.Salmo 2:4-6; Isaias 9:7.

  • Ginsilingan ni Jesus ang iya matutom nga mga apostoles nga magaupod sila sa iya sa Ginharian sang langit para “maglingkod sa mga trono.”Lucas 22:28, 30.

  • Ang Ginharian may laglagon nga mga kaaway.Salmo 2:1, 2, 8, 9; 110:1, 2; 1 Corinto 15:25, 26.

Wala ginatudlo sang Biblia nga ang Ginharian sang langit ara sa imo tagipusuon sa kahulugan nga nagagahom ini sa tagipusuon sang isa ka tawo. Pero ginapakita sini nga ang “pulong sang ginharian” ukon ang “maayong balita sang ginharian” mahimo kag dapat makaapektar sa aton tagipusuon.Mateo 13:19; 24:14.

Ano ang buot silingon sang “ang paghari sang Dios ara mismo sa inyo”?

Indi maintiendihan sang pila kon diin gid ang Ginharian kon basahon nila ang Lucas 17:21 sa iban nga bersion sang Biblia. Halimbawa, ang bersion nga Ang Pulong sang Dios nagasiling nga “ang paghari sang Dios ara mismo sa inyo.” Para maintiendihan ini nga bersikulo, dapat binagbinagon naton ang konteksto.

Ang Ginharian sang Dios wala sa tagipusuon sang batinggilan kag manugpatay nga mga manugpamatok kay Jesus

Ang ginaistorya ni Jesus amo ang mga Fariseo, isa ka grupo sang relihioso nga mga lider nga nagapamatok kag nakigbahin sa pagpatay sa iya. (Mateo 12:14; Lucas 17:20) Husto bala pensaron nga ang Ginharian ara sa ila matig-a nga tagipusuon? Ginsilingan sila ni Jesus: “Sa sulod puno kamo sang pagkasalimpapaw kag pagkamalinapason.”Mateo 23:27, 28.

Ang iban nga bersion sibu nga nagpaathag sang ginsiling ni Jesus sa Lucas 17:21: “Ang ginharian sang Dios ari diri kaupod ninyo.” (Italics amon; Contemporary English Version) “Ang Ginharian sang Dios yara sa tunga ninyo.” (New World Translation) Ang Ginharian sang langit “kaupod” ukon “sa tunga” sang mga Fariseo. Buot silingon, si Jesus nga gintangdo sang Dios nga maggahom subong Hari, nagatindog sa tunga nila.Lucas 1:32, 33.

^ par. 3 Madamo nga sekta sang mga Cristiano ang nagatudlo nga ang Ginharian sang Dios ara sa sulod sang isa ka persona, ukon sa tagipusuon. Halimbawa, sa Estados Unidos, ang Southern Baptist Convention nagsiling nga ang Ginharian sang Dios amo “ang paghari sang Dios sa tagipusuon kag kabuhi sang tagsa ka indibiduwal.” Sing kaanggid, sa iya libro nga Jesus of Nazareth, si Pope Benedict XVI nagsiling nga “ang Ginharian sang Dios magakari sa mabinatunon nga tagipusuon.”

Magtuon sing Dugang Pa

Ano ang Ginharian sang Dios?

Binagbinaga kon ngaa ang gobierno sang Dios labaw sa tanan nga gobierno.