Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Makabulig Bala sa Akon ang Biblia Kon Gina-depress Ako?

Makabulig Bala sa Akon ang Biblia Kon Gina-depress Ako?

Ang sabat sang Biblia

Huo, kay ang pinakamaayo nga bulig naghalin sa “Dios, nga nagalugpay sa mga napung-awan.2 Corinto 7:6.

Ano nga bulig ang ginahatag sang Dios sa mga gina-depress?

  • Kusog. Ginalugpayan’ ka sang Dios, indi paagi sa pagdula sang imo mga problema, kundi sa pagsabat sang imo pangamuyo kon mangabay ka sing kusog nga makabatas. (Filipos 4:13) Makasalig ka nga pamatian ka niya, kay ang Biblia nagsiling: “Ang GINOO malapit sa mga boong sing tagiposoon, kag nagaluwas sang mga mahinulsulon sa espiritu.” (Salmo 34:18) Ang matuod, mabatian sang Dios ang imo pagpangamuyo sing bulig bisan pa daw indi ka kabalo sang imo ihambal.Roma 8:26, 27.

  • Maayo nga mga halimbawa. Ang isa ka manunulat sang Biblia nagpangamuyo sa Dios: “Nadulaan ako sing paglaom, gani nagapanawag ako sa imo.” Ini nga salmista nalugpayan sang gindumdom niya nga ang Dios nagapatawad. Gani nagsiling sia sa Dios: “Kon ginalista mo ang amon mga sala, sin-o bala ang makalikaw sang pagsilot? Pero ikaw nagapatawad sa amon, agod nga magtahod kami sa imo.Salmo 130:1, 3, 4, Maayong Balita nga Biblia, HPV.

  • Paglaum. Magluwas sa paghatag sing lugpay subong, nagpromisa man ang Dios nga dulaon ang tanan nga problema nga ginahalinan sang depresyon. Kon tumanon na niya ina nga promisa, “ang nagliligad nga mga hitabo [lakip ang depresyon] malipatan sing bug-os.Isaias 65:17, HPV.

Talupangda: Bisan pa ginakilala nila ang bulig nga halin sa Dios, ang mga Saksi ni Jehova nagapadoktor man kon may balatian sila pareho sang clinical depression. (Marcos 2:17) Pero wala kami nagarekomendar sang bisan ano nga sahi sang pagpabulong, kay butang ini nga dapat desisyunan sang kada isa sa aton.

 

 

 

Magtuon sing Dugang Pa

Ngaa Indi Dapat Mangampo?

Ngaa ginatamod sang iban nga abyan ang kamatayon?

Depresyon—Paano Ini Mabulong?

Basaha ang pila ka pagbulong kag mga problema nga ginaatubang sang mga may depresyon.

Bulig Halin sa ‘Dios sang Paglugpay’

Nahibal-an sang Dios ang kabangdanan sang aton depresyon kag kon ano ang maayo nga himuon agod atubangon ini. May lugpay nga makita sa iya Pulong.