Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Sin-o ang Anticristo?

Sin-o ang Anticristo?

Ang sabat sang Biblia

Ang anticristo indi lamang isa ka indibiduwal ukon organisasyon, kay suno sa Biblia “madamo na ang anticristo.” (1 Juan 2:18) Sa baylo, ang termino nga “anticristo,” nga naghalin sa Griego nga tinaga nga nagakahulugan “batok (ukon kabaylo) sang Cristo,” nagapatuhoy sa bisan sin-o nga nagahimo sang masunod:

Indi lamang mga indibiduwal nga nagahimo sini ang ginatawag sang Biblia nga mga anticristo, kundi subong grupo ginatawag man sila nga “ang anticristo.” (2 Juan 7) Ang anticristo una nga nagtuhaw sang panahon sang mga apostoles kag aktibo gid sila halin sadto. Amo gid ini ang gintagna sang Biblia nga matabo.1 Juan 4:3.

Paano makilala ang anticristo?

  • Nagapalapnag sila sing sayop nga mga ideya parte kay Jesus. (Mateo 24:9, 11) Halimbawa, ang mga nagatudlo sang Trinidad ukon sang doktrina nga si Jesus amo ang Labing Gamhanan nga Dios nagasumpakil sa panudlo ni Jesus, nga nagsiling: “Ang Amay labaw pa sa akon.”Juan 14:28.

  • Wala ginabaton sang mga anticristo ang ginsiling ni Jesus kon paano nagapanghikot ang Ginharian sang Dios. Halimbawa, may mga lider sang relihion nga nagasiling nga ang Cristo nagapanghikot paagi sa mga gobierno sang tawo. Pero sumpakil ini sa panudlo ni Jesus, nga nagsiling: “Ang akon Ginharian indi bahin sini nga kalibutan.”Juan 18:36.

  • Suno sa ila, si Jesus ang ila Ginuo, pero wala nila ginatuman ang iya mga sugo, lakip ang sugo nga iwali ang maayong balita sang Ginharian.Mateo 28:19, 20; Lucas 6:46; Binuhatan 10:42.

Magtuon sing Dugang Pa

Ano ang Kahulugan sang 666?

Ginasugid sang Biblia ang kahulugan sang 666 kag ang marka sang mabangis nga sapat.

Kabutigan 2: Ang Dios Misteryo

Ang doktrina sang Trinidad nagapugong sa aton nga makilala kag mahigugma ang Dios. Mahimo mo bala mahigugma ang isa nga imposible makilala ukon mahangpan?