Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Impierno? Duog Bala Ini sang Walay Katapusan nga Pagpaantos?

Ano ang Impierno? Duog Bala Ini sang Walay Katapusan nga Pagpaantos?

Ang sabat sang Biblia

Gingamit sang pila ka translation sang Biblia ang “impierno” para sa Hebreo nga tinaga nga “Sheol” kag sa Griego nga tinaga nga “Hades,” nga pareho nga nagapatuhoy sa kabilugan nga lulubngan. (Salmo 16:10; Binuhatan 2:27) Madamo ang nagapati sa kalayuhon nga impierno, subong sang piktyur nga makita naton diri nga ginagamit sang mga relihion. Pero, tuhay ang ginatudlo sang Biblia.

  1. Ang mga yara sa impierno wala sing hinalung-ong gani indi sila makabatyag sing kasakit. “Sa Sheol nga imo ginakadtoan walay buluhaton ukon pahito ukon ihibalo ukon kaalam.”Manugwali 9:10.

  2. Ang maayo nga mga tawo nagakadto sa impierno. Ang matutom nga mga lalaki nga sanday Jacob kag Job naglaum nga magkadto didto.Genesis 37:35; Job 14:13.

  3. Ang kamatayon, indi ang pagpaantos sa kalayuhon nga impierno, ang silot sa sala. “Sia nga napatay nahilway na sa iya sala.”Roma 6:7.

  4. Ang walay katapusan nga pagpaantos wala nagahisanto sa hustisya sang Dios. (Deuteronomio 32:4) Sang makasala ang una nga tawo nga si Adan, ginsilingan sia sang Dios nga ang iya silot amo ang kamatayon: “Yab-ok ka, kag sa yab-ok magabalik ka.” (Genesis 3:19) Mahimo nga nagbinutig ang Dios kon paantuson gali niya si Adan sa kalayuhon nga impierno.

  5. Wala gid sa hunahuna sang Dios nga paantuson ang mga tawo sing walay katapusan. Ang ideya nga paantuson niya ang mga tawo sa kalayuhon nga impierno wala nagahisanto sa ginatudlo sang Biblia nga “ang Dios gugma.”1 Juan 4:8; Jeremias 7:31.

 

Magtuon sing Dugang Pa

Ano ang Paglaum sang mga Patay?

Ano ang nagakatabo kon mapatay ang tawo? Makita pa bala naton liwat ang aton napatay nga mga hinigugma?