Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ang Libro sang Bugna—Ano ang Kahulugan Sini?

Ang Libro sang Bugna—Ano ang Kahulugan Sini?

Ang sabat sang Biblia

Ang ngalan sang libro sang Biblia nga Bugna naghalin sa Griego nga tinaga nga A·po·ka′ly·psis, nga nagakahulugan sing “Pagbuyagyag” ukon “Pagpahayag.” Ginabuyagyag sini ang mga butang nga natago kag ginapahayag ang mga hitabo nga matabo pa sa palaabuton. Madamo nga tagna sa sini ang wala pa natuman.

Sumaryo sang libro sang Bugna

Mga paagi para maintiendihan ang libro sang Bugna

  1. Ang kahulugan sini positibo, indi makahaladlok ukon makakulugmat sa mga nagaalagad sa Dios. Para sa madamo, ang tinaga nga “apokalipsis” naangot sa grabe nga kalaglagan. Pero ang umpisa kag katapusan sang libro sang Bugna nagasiling nga mangin malipayon ang mga nagabasa, nagahangop, kag nagatuman sang mensahe sini.Bugna 1:3; 22:7.

  2. Ang Bugna naggamit sing madamo nga “tanda” ukon simbulo, nga indi dapat paghangpon sing literal.Bugna 1:1.

  3. Madamo nga importante nga persona, butang, ukon simbulo sa libro sang Bugna ang ginsambit na nga daan sa Biblia:

  4. Ang mga palanan-awon matuman sa “adlaw sang Ginuo,” nga nagsugod sang 1914 sang gintukod ang Ginharian sang Dios kag naggahom si Jesus bilang Hari. (Bugna 1:10) Gani, mapaabot naton nga ang bug-os nga katumanan sang Bugna matabo sa aton panahon.

  5. Para maintiendihan ang libro sang Bugna, kinahanglan man naton ang mga butang nga makabulig sa aton nga maintiendihan ang iban nga libro sang Biblia. Nalakip sa sini ang kaalam halin sa Dios kag ang bulig halin sa mga nakaintiende na sini.Binuhatan 8:26-39; Santiago 1:5.

 

Magtuon sing Dugang Pa

Ang Katapusan sang Kalibutan—Kahadlok, Kalangkag, kag Kapaslawan

Mahimo makibot ka sa ginasiling sang Biblia parte sa katapusan sang kalibutan.

Ano ang mga Paagi Para Maintiendihan ang Biblia?

Bisan ano man ang imo gindak-an, mahimo mo maintiendihan ang mensahe sang Dios nga ara sa Balaan nga Kasulatan.