Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

JW LIBRARY

Pag-download kag Paggamit sang mga Publikasyon​—sa iOS

Pag-download kag Paggamit sang mga Publikasyon​—sa iOS

Madamo nga libro, brosyur, tract, kag video ang mabasa mo kag matan-aw offline sa JW Library.

Sunda ang masunod nga mga instruksion para ma-download mo kag magamit ang mga publikasyon:

 Pag-download sang Publikasyon

Puede mo ma-download ang mga publikasyon para magamit mo ini bisan offline.

  • I-tap ang Publications para makita ang mga publikasyon.

  • I-tap ang Languages button para maggua ang tanan nga lenguahe sang publikasyon. I-tap ang lenguahe nga gusto mo basahon. Ang mga lenguahe nga pirme mo ginagamit makita sa pinakaibabaw. Puede mo man ma-type ang lenguahe nga ginapangita mo.

Lainlain ang paagi sa pagpangita sing mga publikasyon sa JW Library.

Makita sa By Type section sa lenguahe nga ginabuksan mo ang mga publikasyon nga gingrupo, pareho sang mga libro, tract, ukon mga video. Kon i-tap mo ang isa sini, may dugang pa gid nga opsyon nga mapilian mo, pareho sang gusto mo nga tuig sang Watchtower ukon kategoriya sang mga video. I-tap ang All Types para magbalik sa umpisa.

Makita sa What’s New section ang mga publikasyon nga bag-o lang ginpagua sa lenguahe nga ginabuksan mo.

Ang mga publikasyon nga wala mo pa ma-download may cloud nga icon. I-tap ang publikasyon para ma-download ini. Kon na-download mo na ang publikasyon, madula na ang cloud nga icon. I-tap liwat ang publikasyon para mabasa ini.

Makita sa Downloaded section ang tanan nga publikasyon sa mga lenguahe nga gin-download mo. Puede ini magrupo sa Title, Frequently Used, Rarely Used, ukon Largest Size.

Pag-delete sang Publikasyon

 I-delete ang mga publikasyon nga indi mo na kinahanglan ukon para mabakante ang storage space.

I-tap ang Publications, dayon i-tap ang grupo sang publikasyon (halimbawa, Books) para makita ang mga publikasyon. I-tap ang Select button, dayon i-tap ang kada publikasyon nga gusto mo i-delete. Puede mo man i-tap ang publikasyon kag indi dayon pagbuy-an, dayon i-tap ang Delete button, kag i-confirm kon i-delete mo ini nga mga publikasyon.

Para mabakante ang storage space, puede mo ma-delete ang mga publikasyon nga talagsa mo lang ginagamit ukon ang dalagku nga file. Kadtui ang Downloaded section; dayon magpili ka sa Rarely Used ukon Largest Size. I-delete ang mga publikasyon nga indi mo na kinahanglan.

Pag-update sang Publikasyon

 Kon kaisa, may update ang publikasyon nga imo gin-download.

Ang publikasyon nga may update may refresh icon. Kon i-tap mo ang publikasyon, mabasa mo ang mensahe nga may update ini. I-tap ang Download para ma-update, ukon i-tap ang Later kon gusto mo anay gamiton ang bersion nga na-download mo na.

Para makita kon may update ang mga publikasyon nga na-download mo, i-tap ang Publications. Kon may update, makita mo ang Pending Updates section. I-tap para makita mo ang tanan nga inug-update. I-tap ang publikasyon para ma-update ini, ukon i-tap ang Update All button para ma-download ang tanan nga update.

Ini nga mga feature gin-release sang Pebrero 2015 nga JW Library 1.4, nga puede sa iOS 6.0 ukon ang pinakaulihi. Kon indi mo makita ini nga mga feature, palihug sunda ang mga instruksion sa artikulo nga “Kon Paano Gamiton ang JW Library​—sa iOS,” kag basaha ang Pinakabag-o nga mga Feature.