Magdiretso sa kaundan

JW LIBRARY SIGN LANGUAGE

Mga Feature sang JW Library Sign Language

Mga Feature sang JW Library Sign Language

Ang JW Library Sign Language isa ka opisyal nga app sang mga Saksi ni Jehova. Puede mo diri ma-download, maorganisar, kag ma-play ang sign-language nga mga video halin sa jw.org.

Magtan-aw sing sign language nga Biblia kag iban pa nga publikasyon. I-download ini sa imo mobile device para matan-aw mo ini bisan wala ka sing Internet. May matahom ini nga mga piktyur, simple ang pagplastar, kag mahapos kontrolon.

 

Simple nga Pagplastar

Sa Bible nga pahina, puede ka makatan-aw sing na-release na nga mga libro sang New World Translation. Puede mo man matan-aw ang mga bersikulo nga wala pa ma-release subong bahin sang New World Translation pero nagamit na sa mga publikasyon. Sa Publications nga pahina, makita mo ang iban nga publikasyon kag pelikula nga matigayon sa jw.org.

 

Pagtan-aw Dayon sang Ginakutlo nga Teksto

Samtang nagatan-aw ka sang isa ka video publication, i-tap ang Bible button. Ang video mapundo anay kon tum-ukon mo ang teksto para tan-awon ini. Kadto ka liwat sa Publications nga pahina para padayunon ang pagtan-aw sa video.

Mahapos Mag-download sang mga Video

Ang mga video nga wala mo pa ma-download may cloud nga icon. I-tap ang video para ma-download ini halin sa jw.org. I-tap ang Download All button para ma-download ang tanan nga video sa sina nga pahina. I-tap ang More button para ma-delete ini sa imo device.

 

Pag-manage sang Space

Puede ka maka-download sing mas daku (mas mataas sing kalidad) ukon mas gamay (mas manubo sing kalidad) nga mga video. Kon ang imo device may SD card slot, puede ka makapili nga i-download ang mga video sa imo device ukon sa SD card.

 

Mahapos Gamiton nga Video Player

Gamita ining simple nga mga gesture sa pag-kontrol sang video:

  • Two-finger tap: Pag-play ukon pag-pause sang video.

  • Swipe left: Pag-skip sa masunod nga marker.

  • Swipe right: Pag-skip sa nagligad nga marker.

  • Swipe up: Pagpadasig sang video.

  • Swipe down: Pagpahinay sang video.

  • Single tap: Pagpagua ukon pagtago sang kontrol window.

Support

Kon may pamangkot ka parte sa JW Library Sign Language, mahimo ka magpabulig sa imo abyan nga pamilyar sa sini. Kon wala ka sing makita nga makabulig sa imo, palihug kontaka ang amon pinakamalapit nga sanga talatapan.