Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

JW BROADCASTING

Tan-awa ang Video on Demand sa TV.JW.ORG

Tan-awa ang Video on Demand sa TV.JW.ORG

Paagi sa Video on Demand matan-aw mo ang mga video sa tv.jw.org bisan ano oras. Puede mo ini ma-pause, ma-rewind, ukon ma-fast forward. Magtan-aw sang isa lang ka video ukon mga video sa koleksion. I-click ukon tum-uka ang Video on Demand nga button para makita mo ang mga kategoriya sang mga video. Sunda ang instruksion sa ubos para makita mo kag matan-aw ang mga video:

 Pagtan-aw sang Featured Video

Kon pillion mo ang Video on Demand, may makita ka nga piktyur sa ibabaw sang screen nga nagapasayod sang isa ka video. Kada pila ka segundo, ginaislan ini sang piktyur sang lain naman nga video. Ang iban nga ginapasayod diri bag-o. Ang iban naman ginapasayod diri bangod ginagamit ini sa miting sa kongregasyon sina nga semana.

I-click ukon tum-uka ang piktyur kon gusto mo tan-awon ina nga video. Ang piktyur pagabuslan sang screen nga magapakita sang kategoriya, tig-ulo, diskripsion, kag kalawigon sang video.

I-click ukon tum-uka ang Play nga button para mag-andar ang video. (Patalupangod: Sa iOS kag Android nga mga mobile deivice, dapat mo tum-ukon ang Play nga icon kon magbukas na ang video.)

 Pagpangita sang Video

Ang mga kategoriya makita sa ubos sang mga ginapasayod sa Video on Demand. Ang kada isa sini may piktyur kag tig-ulo. Ang iban nga video makita sa lainlain nga kategoriya. Halimbawa, ang video nga The Prodigal Returns makit-an sa Movies, Family, kag Teenagers.

I-scroll down para makita ang tanan nga kategoriya.

I-click ukon tum-uka ang piktyur ukon tig-ulo sang gusto mo nga kategoriya. Sa piktyur sa ibabaw sang screen, makita ang tig-ulo sang kategoriya kag diskripsion. Sa ubos, makita ang mga video sang kada koleksion sina nga kategoriya.

Kompyuter ukon tablet: I-click ukon tum-uka ang Left Arrow ukon Right Arrow para makita mo ang iban pa nga video.

Smartphone: Ang makita mo amo ang una nga video sa kada koleksion. Para makita ang iban pa, tum-uka ang See More.

I-click ukon tum-uka ang piktyur kon gusto mo tan-awon ina nga video. Ang piktyur pagabuslan sang screen nga magapakita sang tig-ulo, diskripsion, kag kalawigon sang video.

I-click ukon tum-uka ang Play nga button para mag-andar ang video. (Patalupangod: Sa iOS kag Android nga mga mobile device, dapat mo tum-ukon ang Play nga icon kon magbukas na ang video.)

  • Tip: Imbes nga paandaron sing tig-isaisa ang video, puede mo i-click ukon tum-ukon ang Play All nga button sa idalom sang mga tig-ulo para mag-andar sing pasunod ang tanan nga video sa sina nga koleksion.

    Patalupangod: Mauntat ang pag-andar kon maubos na ang tanan nga video sa sina nga koleksion.

  • Kon naka-Play All ka, i-click ukon tum-uka ang Skip Back para magbalik sa nagligad nga video sa koleksion.

  • Kon naka-Play All ka, i-click ukon tum-uka ang Skip Forward para makasaylo sa masunod nga video.

 Pagkontrol sang Video

Sa Video on Demand nga seksion, puede mo makontrol ang video kon himuon mo ang masunod:

  • Kompyuter: Para mag-full-screen, hulaga ang cursor sa video kag dayon i-click ang Full-Screen nga icon.

    Tablet ukon smartphone: Para mag-full-screen, tum-uka ang video kag dayon ang Full-Screen nga icon.

  • Kompyuter: Kon indi ka na sang full-screen, tum-uka ang Escape sa keyboard, ukon hulaga ang cursor kag i-click ang Regular-Mode nga icon.

    iOS: Kon indi ka na sang full-screen, tum-uka ang video kag dayon ang Regular-Mode nga icon.

    Android: Kon indi ka na sang full-screen, tum-uka ang video kag dayon ang Back nga button sa imo device.

    Windows Mobile: Kon indi ka na sang full-screen, tum-uka ang Back nga button sa imo device.

  • I-click ukon tum-uka ang Pause para mag-pause ang video.

  • I-click ukon tum-uka ang Play para mag-andar liwat.

  • Para magsaylo sa iban nga bahin sang video, hulaga paatras-abante ang location indicator.

  • Kompyuter: Kon gusto mo islan ang resolution sang video, hulaga ang cursor sa video, dayon ituon ini sa Video Settings nga icon. I-click ang gusto mo nga resolution. (Patalupangod: Ini nga feature wala sa iban nga browser.)

    Patalupangod: Kon mas mataas ang numero mas matin-aw ang video, pero dapat madasig ang koneksion sang internet. Pilia ang suno sa kadasigon sang imo internet kag kadakuon sang imo screen. (Para sa dugang nga detalye, tan-awa ang Pag-ilis sang Setting sang Imo Kompyuter Ukon Device.)

    Smartphone ukon Tablet: Kon gusto mo islan ang resolution sang video, tum-uka ang video kag dayon ang Video Settings nga icon. Magpili sang gusto mo nga resolution. (Patalupangod: Ini nga feature wala sa iban nga mobile device.)

  • Kompyuter: Para ma-adjust ang volume, hulaga ang imo cursor sa video, kag ituon ini sa Volume nga icon. Pataasa ukon panubua ang volume indicator para pakusugon ukon pahinayon ang volume.

    Tablet ukon smartphone: Para ma-adjust ang volume, gamita ang audio nga button sa imo mobile device.