Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

JW BROADCASTING

Pag-ilis sang Settings sang Imo Kompyuter, Tablet, Ukon Smartphone

Pag-ilis sang Settings sang Imo Kompyuter, Tablet, Ukon Smartphone

Sa Settings puede mo ma-adjust ang tv.jw.org suno sa gusto mo.

I-click ukon tum-uka ang Settings nga icon. Sunda ang instruksion sa ubos para ma-update ang imo settings:

Patalupangod: Ang settings dapat mo i-set sa tagsa ka internet browser ukon mobile device. Kon panason mo ang cache sang imo browser, ang settings mabalik sa default.

 Pagpili sang Gusto Mo nga Resolution sang Video

  • I-click ukon tum-uka ang button sang gusto mo nga resolution sang video.

  • I-click ukon tum-uka ang Save para i-save ang imo settings.

Ano ang buot silingon sini nga mga numero? Ang mga numero diri nagapatuhoy sa video frame height, nga nagapakita sang resolution ukon katin-aw sang video. Kon mas mataas ang numero mas matin-aw ang video, pero dapat madasig ang koneksion sang internet.

Ginapaathag sang masunod nga table ang mga resolution sang video:

Resolution

Diskripsion

240p

Pinakamanubo nga kalidad. Bagay ini sa gagmay nga mga mobile device.

360p

Manubo nga kalidad. Bagay ini sa gagmay nga mga mobile device.

480p

Standard definition. Bagay sa mga tablet, kompyuter, kag mga TV nga may standard definition nga screen.

720p

High definition (HD). Bagay sa kompyuter nga ang resolution mga 1024x768, ukon sa HDTV nga ang resolution 1280x720.

1080p

Pinakamataas nga kalidad (HD). Bagay sa compyuter nga ang resolution mga 1080 pixels, ukon sa HDTV nga ang resolution 1920x1080.

Ngaa dapat islan ang resolution sang video? Kon mahinay ang koneksion sang imo internet, kag nagauntat-untat ang video, mas maayo nga islan mo sing mas manubo nga resolution ang video. I-set ini sa resolution nga bagay sa imo kompyuter ukon device. Puede mo man pilion ang mas manubo nga setting kon gusto mo makakinot sa imo gasto sa internet.

Paano ginagamit ini nga setting? Ang TV.JW.ORG indi mag-stream sa imo kompyuter ukon device sang resolution nga mas mataas sangsa ginpili mo diri. (Basaha ang Tan-awa ang Streaming sa tv.jw.org.)

Kon pilion mo ang Automatic nga setting, pilion sang tv.jw.org ang pinakamaayo nga resolution nga bagay sa kadakuon sang screen sang imo kompyuter ukon device.

 Pag-enable Ukon Pag-disable sang Subtitle sang Video

Ang iban nga video puede mabutangan sing subtitle. Ang subtitle pareho sa lenguahe nga mabatian sa audio sini.

  • Kon gusto mo makita ang subtitle, tseke ang kahon nga Display Subtitles When Available.

  • Kuhaa ang tsek kon indi ka na sang subtitle.

  • I-click ukon tum-uka ang Save para i-save ang imo settings.

Patalupangod: Ini nga setting ara sa tanan nga video nga may subtitle, sa Streaming man ukon sa Video on Demand nga mga seksion.

 Pagpili sang Gusto Mo nga Streaming Channel

Kon ano nga channel ang ginbuksan mo sang ulihi ka nga nagtan-aw sang Streaming, amo ini gihapon nga channel ang magabukas kon magtan-aw ka liwat.

Pero, mahimo may channel nga amo ang gusto mo magbukas kada magtan-aw ka sang Streaming sa imo device. Halimbawa, kon ikaw isa ka ginikanan, mahimo nga gusto mo nga ang tablet sang imo kabataan magabukas dayon sa Children nga channel.

  • Para amo gihapon nga channel ang magabukas sa Streaming kada magtan-aw ka, magkadto sa Settings kag pilia ang tig-ulo sang channel.

  • Para makabalik sa default nga setting, pilia ang Start with my last selected channel.

  • I-click ukon tum-uka ang Save para i-save ang imo settings.